NAGMULAT ng mata si Prinsesa Phyllis. Nagtaka siya ng makita ang palasyo nila. Anong ginagawa niya dito? Paano siya nakapunta dito sa Arwood? Ang maalala niya ay nasa mundo siya ng mga tao.
Pero teka...ano ba ang nangyari? At bakit nandito siya sa Arwood?
Naglakad si Prinsesa Phyllis papasok sa loob ng palasyo. Lahat ng nakakasalubong niya ay yumuyuko sa kaniya. Nakita naman niya ang ina na nasa bulwagan ng palasyo.
"Ina."
"Phyllis, halika rito, anak. Gusto kitang yakapin." Wika ng ina.
Napangiti si Prinsesa Phyllis at lumapit sa kaniyang ina. Niyakap niya ito. Ipinikit niya ang kaniyang mata. Pero kaagad din siyang napamulat ng mata ng maramdaman niya ang malamig na hangin. Nagulat si Prinsesa Phyllis nang makita niyang nasa pinakamataas siyang bundok ng Arwoo
