Khylle's Pov:
Dire-diretso ang lakad ko papasok sa Precinct 5. Iba ang pakiramdam ko ngayong araw, bukod sa magaan ang loob ko ay nakakaramdam din ako ng kakaibang excitement. Kakaibang saya ang nararamdaman ko sa loob ko tuwing maiisip na may bago na naman kaming cold case na iimbestigahan.
Ngayon ko din lang naramdaman ang thrill na hindi ko nararamdaman noong mga nakaraang araw. Dati ay labag sa loob ko ang pagpasok sa lugar na ito. Gustong-gusto ko laging matapos na ang araw at nang makauwi na ako o kaya ay mas gusto kong sa KST na lang pumasok. Noon, hangga't maaari ay ayokong tumapak sa lugar na ito, ngunit nag-iba na ngayon.
Sa loob ng dalawang araw na hindi ko pagpasok ay kakaibang pangungulila ang naramdaman ko. Aminin ko man o hindi ay nagsimula na akong ma-attach sa lugar na
