Khylle's Pov:
Nakagat ko ang ibabang labi ko bago muling tiningnan ang kabuuan ng Precinct 5.
May sampung minuto na yata akong nakatayo lang dito sa harap at hindi ko magawang ihakbang ang mga paa ko papasok. Sobrang kinakabahan ako at hindi na talaga ako natutuwa.
Sino ba namang matutuwa sa mga nangyayari ngayon sa akin? Mula nang ma-assign ako dito sa Precint 5 ay lagi na lang akong kinakabahan. Kung hindi kinakabahan ay natatakot na mukhang hindi na normal dahil hindi ako ang tipo ng taong madaling matakot.
Napabuntong-hininga ako at natulala muli sa kabuuan ng presinto.
Pakiramdam ko ay isa akong kriminal na isu-surrender ang sarili. Wala naman akong ginawang mali, sigurado ako doon. Kung tutuusin nga ay malaki ang naitulong ko sa pagtatagumpay ng imbestigasyon kahapon pero hindi
