“KAYO ang teacher ng dating c-class-A?” gulat na tanong ko sa aming guro. Tumingin pa ako sa gawi nina Philip at Max at tulad ng akin ay gulat din sila at hindi makapaniwala sa mga nadinig.
Tumango si Sir bago magsalita. “Saksi ako sa lahat ng nangyari noon sa mga estudyante ko. Nakita ko kung paano nila pinahirapan, pinaglaruan at pinatay ang mga batang ‘yon nang walang kalaban-laban.” Pinakinggan lamang naming magsalita ang aming guro at pilit na iniintindi ang mga nalalaman.
“Hindi ko man lang naipagtanggol ang mga kabataang ‘yon laban sa kanila,” saad pa nito.
Ramdam ko ang lungkot at galit sa bawat salitang binibitawan ni Sir Reyes. Naroon din at aking nararamdaman ang pagsisisi at hinanakit niya.
“Kaya nang makaligtas ako sa nangyaring bangungot sa buhay ko, pinilit ko ang pri
