MACY COLLIEN
“Dahil gus…”
“Dahil ano?” tanong ko sa kanya.
“Dahil..”
“Alam mo ang taga—”
“Dahil gusto kita. Hindi ako magiging ganito kung hindi kita gusto. Nagseselos ako, naiinis ako kapag nalalaman ko na may mga nagkakagusto sa ‘yo na iba. Kahit na palaging sumasakit ang ulo ko sa ‘yo. Kahit na sobrang daldal mo at makulit ka nagustuhan kita.”
Napatulala naman ako dahil para akong nabingi sa narinig ko mula sa kanya. Pero hindi ako dapat maniwala lalo na lasing siya. Kaya kung anu-ano na lang ang lumalabas sa bibig niya. Baka maniwala pa ako kung sakaling hindi siya lasing. Pero kasi kapag lasing siya ay hindi na niya naaalala ang mga ginagawa niya.
“Lasing ka lang kaya sinasabi mo ‘yan. Alam ko na makakalimutan mo na naman ‘yan bukas. Makalimutin ka pa naman kapag lasing ka.” s
