Chapter 42
Bandang alas siyete nang gabi nang magising ako. Nakayakap si Chuck sa akin at nakasubsob ang mukha sa aking leeg. Hindi ko mapigilang mapahagikhik dahil nakikiliti ako sa tuwing tatama ang hininga niya sa ibabang bahagi ng aking tainga.
"Sleep," mahina niyang saad at lalong hinigpitan ang pagkakayakap.
At dahil tinatamad akong bumangon ay mas ginusto kong manatili sa mga bisig niya. Ipinagwalang-bahala ko ang gutom na nararamdaman. Mas gusto kong namnamin ang pagkakataong ito kasama ang taong minahal ko ng todo.
Nakatalikod pa rin ako sa kaniya at literal na malagkit ang pakiramdam ko sa buong katawan dahil sa sauce. Uminit ang magkabila kong pisngi dahil naalala ko na naman ang nangyari kanina. I never thought na magagawa ko ang ganoong bagay. Muli akong ngumiti at dahan-
