Nagtataka kong nilingon ang taong nakaalalay sa'kin na maaaring sanhi ng ganoong reaksiyon mula kay Zandro. Nang mapagsino ko ito ay mabilis pa sa alas kwatrong napabitiw at napalayo ako mula rito at tumabi kay Zandro na di nagbabago ang masamang timpla ng mukha.
Nanlaki ang mga matang napatitig ako sa nakangising mukha ni Yudz. Maang akong napatitig sa mga kamay ko na ginamit ko panghawak sa lamang dagat na kaharap.
Di ko lubos maisip na darating ang araw na kusa akong hahawak sa lalaking ito!
Buong akala ko isa sa mga kaibigan ko ang nakaalalay sa akin.
Speaking of mga kaibigan... tumalim ang tingin ko sa kanila nang nagsibungisngisan ang mga ito at nag-high five pa sina Mae at Alex habang kapwa nakangisi sina Dok Ace at Vivien. Mga traydor! Hinayaan lang talaga nila akong humawak s
