ALEX'S POV
Walang kakurap-kurap kong sinusundan ng tingin ang babaeng kanina ko pa lihim na minamanmanan.
Hindi alam ni Zandro o ninuman itong pagsunod ko kay Shie o mas tamang sabihin ay sa babaeng nagpapanggap na Shie.
Kahit siguro hindi ko nakumpirma kay Zandro ang katotohanan ay sigurado ako sa aking sarili na di ako maloloko ng babaeng ito. Masyado lang talaga akong busy noong mga panahong unang pumasok ang impostor na ito kaya naging malaya siyang makihati ng parehong hanging hinihinga ko.
Maliban sa mukha ng kaibigan ko na kopyang-kopya talaga ng babaeng ito ay hanggang doon na lang ang pagkapareho nila.
Ang lakas ng loob nitong na lokohin kami! Iniisip ba niyang ganoon kami katanga?
Naningkit ang mga mata ko nang makitang may kinausap siyang isang lalaki na kung hindi a
