Wala na kaming oras na sinayang.
Mula sa opisina ay dumiretso kami sa bahay upang kunin iyong mga dadalhin kong gamit. Gusto pa nga sana ni Zandro na diretso na kami sa pupuntahan namin pero nagpumilit akong umuwi muna.
Wala pa rin sina Mama sa bahay dahil sa makalawa pa ang uwi nila ni Papa mula sa probinsya kaya ibinilin ko muna sa isang kapitbahay namin na tingnan-tingnan iyong bahay.
Hindi si Brando iyong tinutukoy kong kapitbahay kahit na bahay ng pamilya niya iyong pinakamalapit sa amin. Ayokong magkaroon ng utang na loob sa taong sinaktan ako at noloko.
Tatawagan ko na lang mamaya sina Mama at Papa pagkarating namin sa aming pupuntahan.
Na-text ko na iyong Kuya ko na aalis ako kasama iyong Boss ko kaya siguradong dadalaw-dalawin din nila iyong bahay.
Ilang oras pa ay nasa bya
