Hindi alam ni Emma Rose kung ano ang dapat maramdaman sa harap ng nanay ni Matthias. Una ay nakataas ang isang kilay nito habang sinisipat siya mula ulo hanggang paa. Ikalawa ay bumababa ito sa hagdan papalapit sa kanila na parang tigre na handa siyang lapain.
“G-good evening po, Ma’am,” magalang na sabi ni Emma Rose habang pinipilit na ‘di pumiyok. She’s trying her best to keep her stance kung hindi ay baka matapilok siya at gumulong paibaba ng hagdanan. Nakikinita na niya ang magiging news report tungkol sa kanya.
Sa headline ng mga balita. Isang medyo matandang dalaga na inakalang nakidnap ang ka-friends with benefit, nagpasaklolo sa pulis. Pagdating sa bahay ng kaibigan ay nalamang ‘trip’ lang pala ng kamag-anak ang nangyari kaya napahiya. Pero kinalaunan ay nagdesisyon na magkaroon
