BASHA
“Bakit hindi ka pa natutulog?” Usisa niya nang dumilat siya at nahuli niya akong nakatingin sa kanya.
“Excited kasi ako bukas, diba bibili tayo ng biik?” May ngiti sa labi kong paalala sa kanya. Nang pumayag siya kanina sobrang saya ko talaga, hindi ko rin alam kung bakit pero parang ang cute lang mag-alaga ng biik. Sigurado matutuwa si Badeus kapag nagkaroon siya ng kaibigan.
Kinabig niya ang beywang ko at hinapit ako para magkadikit na kaming dalawa. Nasa noo ko ang hininga niya at nakaunan na ako sa kanyang braso.
“Magpahinga ka na, masama sa buntis ang nagpupuyat.” Bilin niya sa akin. Pipikit na sana ako ngunit naalala ko si Arturo. Narinig ko ang pangtanggi ni Thaddeus na ibigay ako sa kanya. Pero umalis agad ako kasi ayoko nang marinig ang lahat ng sasabihin niya. Hindi
