Chapter 99
KEN’S POINT OF VIEW
Nang sinabi niya sa akin na hindi niya ako type at trabaho lang iyon sa kanya ay hindi ako naniniwala. Ang plano ko, kung hindi ko kayang diktahan ang puso ko at nararamdaman, baka mas madali kung ipagtabuyan ko siya. Mas madali kung siya na lang ang hindi magkagusto sa akin. Kasi ang lahat ay bago sa akin. Bago sa akin ang makaramdam ng ganito sa isang babae. Bago sa akin ang nawawala sa plano. Bago sa akin ang hindi firm sa kanyang desisyon.
Alam ko, ramdam ko, nahuhulog na rin siya sa akin kagaya ko at ngayon pa lang, alam ko na ang maaring mangyari sa kanya kung kapwa kami mahuhulog sa isa’t isa. Maaring buhay niya ang katapat. Buhay ng pamilya niya ang malalagay sa alanganin. Madali ko lang naman kasi siyang pauwiin na lang, Pagt
