CHAPTER 87
Malugod kong kinuha ang labinlimang milyon at ang aking alahas. Noon ko nakitang nagbago na agad ang hitsura ni Kate. Hindi na poker face. Kung kanina, hindi ko mabasa ang kanyang emosyon, habang kinukubra ko ang aking labinlimang milyon na chips ay may galit nasa kanyang mga mata.
“Hindi pa tayo tapos,” sabi niya agad. “Hangga’t meron akong dalang pera at pwedeng isugal, hindi tayo maaring tumigil.”
“Ano?”
“Tinalo mo ang labinlimang milyon ko pero may cheque pa akong dala.”
“Ma’am, gusto ko lang hong ipaalala sa inyo na hanggang 100 million lang po ang ang tinatanggap namin na amount sa cheque. More than that ay hindi na po namin pwedeng encash through chips,” paalala ng dealer sa amin.
“Okey, 100 million is more than enough. She only got 15 million. Mababawi ko pa ‘yan.”
