IANA's POV
Gabi na noong makasakay ako sa jeep pauwi sa amin. Halos ginugol namin ang buong oras sa pagpasyal kay tita Ysa sa buong campus. Nakikita naman naming masaya s'ya kahit na may lungkot pa rin sa kanyang mga mata.
Tumingin ako sa kalangitan.
Maliwanag ang sinag na nagmumula sa buwan.
Kinuha ko ang cellphone ko saka iyon binuksan. Alas dose pa lang kanina ay pinatay ko na iyon dahil nga sumasama lang ang loob ko kapag may nagtetext or nagchachat tapos hindi naman si Shan ang nakikita kong sender.
Kesa kainin ako ng dissapoinment, mas maigi pang patayin ko na lang ang cellphone.
Sunod-sunod na tumunog iyon tanda na maraming messages ang pumasok. Isa-isa kong tiningnan ang mga mensahe. Karamihan ay galing kay papa. Nangangamusta at bumati rin ng Happy Valentine's sa akin.
[
