جميلة عايشة مع بنت عمها نور فى آخر سنة فى كلية سياسة وأخو نور احمد بيحضر ماجستير فى هندسة البرمجيات سنحكى بالتفصيل الشخصيات

الجزء العاشر

جميلة: يووه بقى لازم انزل انا اشترى لسه كام ساعه على المسلسل لسه ساعه ونص

خلاص هنزل الماركت اجيب شيبسى وتسالى وهاجى بسرعه

جميلة لبست ونزلت راحت الماركت اشترت وهى مروحة شافت خمس شباب بيضربو فى واحد مرمى على الأرض قصاد عمارتها ومحدش غيرها فى الشارع باليل

جميلة لنفسها : وانا مالى يضربوه ، بس صعبان عليا دا هيموتوه لازم أتدخل بس

هتدخل ازاى دا ممكن يضربونى

جميلة فكرت فى حل شغلت صوت عربية الشرطه على الموبايل فأول ما العصابة سمعو الصوت هربوا

فراحت جميلة جرى على الشاب

جميلة : يعينى عليك دانت اتبهدلت اعمل ايه دلوقتي هااى انت لسه حى ولا مت

الشاب : help me,blease

جميلة: انت اجنبى ولا ايه المصيبة اللى اتحطيت فيها دى مافيش حتى حد معدى يساعدني اوديه المستشفى طيب ياناس ايه انقرضتو وقت لنا اعوزكو

الشاب: ساعدينى

جميلة : انت عربى ولا اجنبى مش مبينلك ملامح وشك كله احمر

يارب ساعدني

جميلة مافيش حل غير اخدو الشقه واساعده

جميلة : انت سامعنى ساعدنى قوم معايا مش قادرة اشيلك تعال من هنا اطلع براحه اوعى تقع على السلالم كل شوية تقع عليا ااه ي غبى .

وأخيرا وصلنا فتحت الشقة ودخلته على الكنبة

جميلة اوووف خليك هنا لما اجيب علبة الاسعافات

هى راحت فين ااه فى اوضه احمد كان جايبها احتياطى

جميلة عالجته وكان نايم على الكنبة شربته حاجه سخنه وشربته الدوا والدته حقنة لتريحه جميلة كانت متعلمه شوية فى المدرسة عن الحاجات دى واستفادت من المدرسة فى حاجه مفيدة

جميلة: الله عامل زى الملاك وهو نايم

جميلة جابت المقشة على اعتقاد أن هى هتحميها منه وفضلت قاعدة طول الليل خايفه ومن كتر التعب نامت على الأرض واحد رجليها مرفوعة على الطربيزة اللى فى الوسط بين الارائك

وفى صباح اليوم التالى صحى الشاب الجميل على ضوء الشمس ولكن جميلة كعادتها القديمة نايمة فى سابع نومه

الشاب : ااااه ي دماغى اي المكان الغريب اللى انا فيه دا ووقع نظره على بنت جميلة نايمة على الأرض واحد رجليها على السفرة

مين البنت دى

انتى يبت يااللى نايمه

جميلة : سيبيبلى شوية يانور

شاب : انا مش نور قومى قوليلى انا فين

جميلة : انت فى بيت

الشاب : الله الله هم البنات فى مصر اللى عادوا بيجيبو الرجالة بيوتهم

جميلة بتعصب : ماتحترم نفسك يراجل انت انت واقف مع بنت محترمه وفى بيت محترم

انا اللى غلطانه علشان ساعدت واحد زيك كنت اخليهم يموتوك فى أيديهم

الشاب : احكيلك اللى حصل انا دماغى بتوجعنى بصى أناا اا اسف بس قوليلى اللى حصل

جميلة : اللى حصل هو انا كنت لسة هتفرج على مسلسلى المفضل وكنت عاوزة شوية تسالى تتسلى بيها فعمى شوقى مراته هتولد ف..

الشاب : لخصى الكلام

جميلة بتعصب من كلامه : وانا مروحه من الماركت لقيتك مرمى قدام عمارتى وشوية شباب بيضربوا فيك فعملت خطة نور لو عرفتها هتضربلى تعظيم سلام ههه? فاملقتشى طريقة اوديك بيها المستشفى اولا علشان بعيدة وثانيا علشان الوقت متاخر وملقتش مواصلات

فاخدت على بيتى وعالجت اووووووه بس دا اللى حصل ياسيدى

الشاب : اممم شكراً ?

طيب رني على المساعد أو السكرتير بسرعه وقوللهم العنوان بتاعى

جميلة : حالك حالك يارتنى مساعدتك من الاول وكمان عايز تخلصلى رصيدى

الشاب: هديكى اللى انتى عايزاه

جميلة : طب ملينى الرقم

الشاب : مش حافظه

جميلة : ازاى مش حافظه يعنى انا اللى حافظاه

طب حافظ رقم باباك أو مامتك

الشاب : واحفظهم ليه اصلا انا مش محتاج احفظ ارقام حد

جميلة : علشان لو وقعت فى مشكلة زى مانت فيها دلوقتى ي خفيف وهتعمل ايه طالما مش عارف ارقام عيلتك ومش معاك هوية وباين عليك انك عايش بره مصر

الشاب : أيوة لسه جاى

جميلة : طيب انت اسمك ايه

الشاب : انتى هتتعرفى

جميلة : علشان ابحث عنك على الفيس واشوف قرايبك

الشاب : إسمى ادهم الشرقاوى كنت لسه نازل مصر امبارح والمساعد المفروض يكون مستنينى قدام المطار وركبت تاكسى قديم حبتين ووصلنى على المكان مظلم وشوية شباب ضربونى و

جميلة : يالهوى دا كله حصل وانت مش عارف تضربهم

أدهم: ماهم كانوا كتير ومش لحتهم

~~~~~~~~~~~~~~~~~~~~~~~~~~~~

بقلم الكاتبة : مريم البرعى