CHAPTER 33
Emily
“Emily?”
Unti-unti kong binuksan ang mga mata at agad na bumungad sa paningin ko ang nag-aalalang mukha ni Josie.
“Gising ka na!” Maluha-luha pa nitong dagdag. Tumingin tingin siya sa paligid na pawang manghihingi sana ng tulong.
“A-anong...”
Agad na napatingin ulit si Josie sa akin. Pero napahinto ako sa pagsasalita. Napalunok ako at napahawak sa leeg. Sobrang tuyo ng lalamunan ko.
Mabilis na tumayo si Josie nang makita ang paglunok ko at paghagod ko sa lalamunan. Agad siyang lumapit sa isang trolley na nasa paanan ng malapad na higaan ko. “Ito, uminom ka muna.”
Kinuha ko ang inabot niyang tubig at ininom. May iilang nalaglag na tubig sa damit ko kaya agad na umalalay si Josie sa akin upang i-angat ng bahagya ang ulo ko at alalayan ang paghawak ko sa baso. Sh
