Emily
Nagdaan ang mga araw mula nang una kong makasalamuha ang susunod na reyna ng Viloria.
Akala ko ay mahihirapan ako sa mga susunod na mga araw ngunit naging abala kaming lahat sa papalapit na selebrasyon ng pista ng ani. Sa nagdaang mga araw, natutunan ko ring mag-adjust sa lugar at sa pakiramdam na nakukuha ko sa mga Vilorian at sa kakaibang ginaw at katahimikan ng paligid. Nasasanay na rin ako sa tuwing ang mga kasama ko ay gumagamit ng mga kakayahan nilang wala ang mga mortal na katulad ko.
Natutunan ko rin ang halos lahat ng dapat na gawin ko dito sa kastilyo. Lalo na ang paglilinis at paninilbihan nang patago mula sa hari at kay Althea De Luca.
"Huwag kang magpapakitang muli kay Binibining De Luca." Naalala kong turan ng Head Maid sa akin mismong pagkatapak niya sa Maids' Qu
