Naging mapusyaw ang buong paligid ng restaubar, lahat ng mga taong naroroon ay nakatuon ang buong atensyon sa limang naggagwapuhan at nagkikisigang lalaki na nasa entablado. Halata sa mukha ng mga kababaihan ang matinding paghanga sa mga Adonis na nasa harapan nila at handa na silang haranahin anumang oras.
Tunog ng drumsticks ang nag-umpisang pumailanlang sa paligid, hudyat na rin iyon para sa pag-uumpisa nilang tumugtog. Sumunod ang pagtipa ng organ at ang sabay na paggitara ni Drake at ni Erril.
Isang masigabong palakpakan ang natanggap ng mga ito dahil sa husay na paggamit ng kani-kanyang instrumento, maging siya ay napapalakpak. Hindi kataka-takang sumikat ang mga ito sa maikling panahon lamang.
“Para sa mga taong nagmamahal ng sobra-sobra at handang gawin ang lahat para sa kani
