SA KABILA ng nangyaring kaguluhan nung araw ng ‘Grand Opening’ ng Blankspace ay naging successfull naman ang lahat at pawang magagandang komento ang narinig niya mula sa mga dumalo. Nangako ang mga itong babalik ulit at magsasama pa ng kanilang mga kaibigan at pamilya para doon na kumain at higit sa lahat para marinig ulit na mag-perform ang bandang Slime Edge.
Isang linggo na din ang nakakaraan simula nung gabing nakita niya ang kamukha ng dati niyang kasintahan. Ang buong akala niya talaga ay si Noriel iyon pero base sa mga tingin nito at pananahimik ay malayung-malayo ito sa Noriel na kilala niya. Hindi naging madali kay Loulou na tanggapin lahat pero sinubukan niya, sinubukan niyang umaktong normal sa harap ng lahat.
Sa mga nagdaang araw ay tahimik niyang inoobserbahan ito at ang kan
