YUMIE'S POV:
"Susubukan kong tanggapin ang naging kapalaran ko, tutupad ako sa usapan pero sana naman pagbigyan mo din ako, igalang mo itong pamamahay ko!" isang buntong hininga ang isinagot nito sa akin.
Naglakad naman ito palabas ng bahay ng marinig niyang may nag doorbell, pagbalik nito sa kusina ay may bitbit na itong mga plastic at paper bag na sa tingin ko ay mga pagkain. Isa-isa niyang inilabas ang mga iyon, at inilapag sa harapan ko.
"Kumain ka muna para madali kang makabawi ng lakas." mahinahon niyang sabi, tutal nagugutom narin ako kaya kakain ako ng marami. Nasa kalagitnaan na ako ng pagkain ng biglang tumunog ulit ang doorbell. Muli siyang lumabas para tingnan kung sino ang nasa labas. Pagbalik nito ay narinig ko ang isang tawa ng babae, naningkit ang aking mga mata dahil sa
