Drizella Genet’s POV
“Bagay sa’yo ‘to, Maxine.”
Itinapat ko ang naka-hanger na spagehetti dress kay Maxine. Para kaming mga college student habang namimili sa nag-iisang mall dito sa labas ng Escajeda. Wala kasing mall sa loob ng Escajeda. Hangga’t maaari gusto ng mga Aceves na manatili ang ganda ng Escajeda at kung saan ito kilala.
Kilala ang Escajeda sa matatayog na puno, halaman at sa mga bahay-kubo o modernong bahay kubo ng mga simpleng mamamayan.
“Ayoko,” tanggi sa akin ni Maxine at kinuha sa akin ang hanger na may dress. Itinapat niya ito sa akin. “Mas bagay sa’yo ‘to. Ikaw na lang kasi baka hindi ko rin naman masuot ‘yan.”
Napatango ako sa kanya at inabot sa sales lady ang naka-hanger na gusto ko sana para kay Maxine. Ayoko naman siyang pilitin.
“Eh ito?” s
