Hindi ko lubos akalain na magagawa nila akong bully-hin hanggang sa ganitong lugar. At dahil sa balat ng saging ay nadulas na naman ako. Mabuti na lang at lupa ang binagsakan ko kung kaya't hindi ako masyadong nasaktan.
Tatayo na sana ako subalit may kamay na nakaabang sa aking pagtayo at nang tingnan ko iyon ay nag-alangan akong tanggapin dahil hindi ko iyon inaasahan.
"Nangangalay na ako," angal niya, kagaya nang kanina ay hindi pa rin siya ngumingiti sa akin. At hinihingal naman na dumating si Travis kaya nagpasya akong tanggapin na ang kamay niya.
"Anong nangyari kay Jasmine?" Nakuha ng lahat ang atensyon niya nang magtanong siya.
"O, my gosh, sissy!" ani Ate Mara na ngayon ay kasama pa rin si Geofferson. Pinagpag niya kaagad ang dumi sa pang-ibabang damit ko at sinamaan ng tingin
