CRISTOBAL GARCIA
SECOND DAY
“Sir…”
Napaangat ang kanyang tingin nang marinig niya ang boses ni Alex. Nakita niya sa mga mata nito ang takot at napakamot sa likod ng ulo nito. Kumunot ang noo niya sa kinikilos ng bodyguard niya. Bumaba ang kanyang mga mata sa bitbit nitong bulaklak. Seryosong tingin ang pinukol niya rito. Pinagsalikop niya ang kanyang kamay tinukod ang kanyang siko sa lamesa. Mataman niyang tiningnan ang bodyguard niyang naiilang o mas tamang sabihin na hindi na mapakali sa kinatatayuan nito.
“Pinabalik po ang bulaklak ni Miss Salvi."
Napapikit siya at napahugot ng kanyang hininga upang pakalmahin ang kanyang sarili.
‘Hindi ka pwedeng magalit, Cristobal. Pangalawang araw mo pa lang na nanliligaw. Ang iba nga diyan, umabot pa ng ilang buwan para mapatawad ng nobya o as
