James POV
NAGISING akong hinihingal. Malalim ang bawat paghinga ko. Tangina, bakit ganoon kasama ang panaginip ko? Bakit parang totoo ang nasa panaginip ko?
Umiling ako. No. It won't happen. Hindi ko hahayaang mangyari iyon.
Sa panaginip ko, nakita ko si Mandy na ikinakasal sa ibang lalaki—hindi ako. Nakangiti siya sa akin habang umiiyak ang mga mata habang ako parang nakadiit ang mga paa dahil ‘di ako makagalaw.
Hindi mangyayari iyon. Panaginip lang iyon. Hindi totoo iyon. Ang panaginip, kabaligtaran iyon ng tunay na mangyayari. Walang ibang dapat pakasalan si Mandy kung hindi ako lan, wala nang iba.
Bumangon na ako. Umaga na. Mataas na ang sikat ng araw. Dumiretso ako sa bathroom. I looked at myself in the mirror. I looked like a miserable man, damn it. Miss na miss ko na si Mandy.
