"Teka, natulog ka na kagabi o hinde?" nagtatakang tanong sa kan'ya ni Gracia dahil panay ang hikab niya. Tumawag ito kanina at sinabi sa kan'ya na may practice siya mamaya para sa sasalihan niyang contest sa susunod na araw. Wala talaga siyang balak pumunta dahil siya na naman ang nahihilo ngayon dahil dalawang oras lang 'ata siyang nakatulog.
"Oo, hindi ko nga alam eh. Mukhang hindi ako dinadalaw ng antok kagabi eh!" nanghihina niyang sambit. Tila ba pipikit na talaga ang mga mata niya sa sandaling iyon dahil sa sobrang antok niya.
"Naku,ikaw ha mukhang napupuyat ka na sa lalake ah? Gwapo ba? Masarap? Yummy?" tanong nito sa kan'ya.
"Ay ewan ko sa'yo Gracia! Matutulog na muna ako ha? Bahala ka na sa buhay mo!" sambit niya.
Nahiga siya sa tabi nito. Gusto niyang umidlip kahit sandali
