Cassandra POV
Simula ng araw na nagpunta si Janice sa bahay ng aking mga biyanan noong nakaraang buwan ay palagi ko na itong nakikitang dumadalaw sa bahay. Naging normal na nga para sa akin na makita ito at ganoon din naman sa biyanan kong babae. Hindi pa rin nagbago ang pagtrato nito sa akin at kulang na lang ay itrato niya ako naparang hangin na hindi nakikita sa bahay. Kapag naman nakikita kong pumupunta si Janice sa bahay ay alam na ni Renzo ang dapat nitong gawin. Binilinan ko siya na lumayo sa babaeng iyon. Alam kong may nararamdaman si Janice para sa asawa ko at hindi iyon maitatanggi sa mga kilos nito sa tuwing makikita ko itong nakatingin sa asawa ko. Hinahayaan ko na lang ito sa gusto nitong gawin at alam naman ko naman na ako ang mahal ni Renzo at wala akong dapat na ik
