Friah's POV:
Hinang-hina ako nang magising ako. Pagmulat ko ng aking mga mata ay ang puting kisame ang unang tumambad sa akin. Sunod ay naramdaman ko ang mahigpit na kamay na nakahawak sa akin.
Nang tingnan ko iyon ay nakita ko si Kuya Aidan na nakayukyok sa gilid ng aking kama.
Mahimbing ang tulog niya kaya, marahan kong tinanggal ang kamay niya sa aking kamay at unti-unti akong bumangon.
Inilibot ko ang aking mata sa buong paligid at nagtaka nang mapansin na nasa hospital ako. Anong ginagawa ko dito? Anong nagnyari sa akin?
Ginamit niya na naman ba ang aking katawan?
Oo, alam ko na may nangyayari sa loob ng aking katawan na hindi ko maipaliwanag. Nadiskubre ko iyon simula pa ng bata pa ako. Bigla ay tila may iba akong katauhan sa loob ng aking katawan, ngunit hindi ko mawari kung
