الذكريات الجزء الثانى

الفصل ٢

يصير وقت المسا بيكون رودرا بالبار مع بافيا و يخبرها عن ناكول و سوربي

بافيا : انت ليش تفكر فيهم كتير

رودرا : لأنه من حق ناكول يفرح بحياته

بافيا : يمكن معك حق ، من بعد ما تركته تانيا ما فرح

رودرا : بس هو ما حبها

بافيا : بس تركت فراغ كبير بحياته

رودرا : ايه معك حق

بافيا : بس ناكول و سوربي كتير لابقين ع بعض " صدقني راح اكون معك رودرا "

رودرا : اتمنى إني اجمعهم مع بعض

بافيا " رودرا كون واثق راح اجمع ناكول مع سوربي " : بس بكرا اخر يوم

رودرا : للأسف ، ايه صح نسيت اخبرك

بافيا : بشو

رودرا : بدي اخبرك رفيقي بده يرجع من كندا

بافيا : مين رفيقك

رودرا : اسمه اكشيه سينغ

بافيا " لا مستحيل يكون رفيق رودرا " : من وين بتعرفه

رودرا : احنا رفقات من زمان ،

بافيا : طيب ليش هلا رجع

رودرا : شو هسأل

بافيا تتلبك : لا بس اسأل هيك

رودرا : اوكيه راح اخبرك ، ما بعرف دايما كنت احاول اني ارجعه بس ما يرضى

بافيا " انا يلي رجعته " : يلا زين بيحضر عرس ناكول و جانكي

رودرا : ايه معك حق ، بس يمكن ما بيلحق العرس

بافيا تنصدم : شو

رودرا : ليش انصدمتي هيك

بافيا : ولا اشي

رودرا : شو رايك اوصلك لانه تأخر الوقت

بافيا : اوكيه

بيوصل ناكول ع بيته متأخر وتعبان

بينكي : ليش ابني متأخر اليوم

ناكول : كنت سهران مع رودرا

بينكي : اها فهمت عليك حفلة عزابية

ناكول " لو تعرفي ماما وين كنت ، كنت حولين بيت سوربي ، كنت أودعها " : ايه بتعرفي رودرا اصر علي نعمل حفلة

بينكي : انا كنت بدي اعمل حفلة بس انت ما رضيت

ناكول : ما في داعي للغلبة

بينكي : بس هذا زفاف عيلة اوبيروي

ناكول : وين بابا

بينكي : كان سهران عند عمك دوشيانت

ناكول : يعني كل شي تصلح بينهم

بينكي : هو كل شي كان تمام من زمان لو ما تدخلت المحامية

ناكول : شو حكيتي ماما

بينكي : ما بعرف ليش ما تستحمل كلمة ضدها ناكول " لأني بحبها " : هي تكون رفيقتي

بينكي : من متى تصاحب الناس يلي كانو بدهم يخربوا إمبراطورية اوبيروي

ناكول : شو ما بصير و صار هي تظل رفيقتي

بينكي : بس ابني...

ناكول : ماما انا تعبان ، بدي انام

بينكي : يلا نام بكرا عنا زواجك

ناكول : يلا ماما

ناكول بيطلع ع غرفته و يفكر بسوربي و زواجه و بجانكي وبيروح يمسك الهدية يلي هدتها اله سوربي و يتطلع عليها بنظرات حزن و يتذكر لحظاته مع سوربي

ناكول : لو اني صبرت شوي وما خطبت جانكي لكان كل شي حلو و مثالي بحياتي ، لكنت تعرفت عليكي و يمكن بصير احبك اكتر من الأول ، يمكن نشكل عائلة حلوة و مثالية ، بس كل شي راح عرض البحر

يتحمم ناكول و بيروح ينام

سوربي بتنوم بألينا

سوربي : بكرا زواج رفيقي بنتي

ألينا : مين رفيقك

سوربي : ناكول

ألينا : الوحش صار رفيقك

سوربي : ايه ماما اليوم تعرفنا ع بعض من الأول و جديد وصرنا رفقة

الينا : يعني رفقة مو اشي تاني

سوربي : شو قصدك بنتي

ألينا : ولا شي ماما

سوربي : بس كنا مع رودرا كمان

الينا : اها ، شو حكيتوا

سوربي : كأنك تسألي كتير عن الموضوع

ألينا : ولا اشي ماما بس اسئل هيك

سوربي : يلا نامي مزعجة

ألينا : ماما بكرا بدنا نروح ع زواج عمو ناكول

سوربي : ايه بنتي ،

ألينا : بس بحسك مو مبسوطة

سوربي : ما بعرف ليش ، لما أتذكر أنه بكرا زواجهم بحس ضيق ما بعرف ليش

ألينا : ماما شو رايك بجانكي

سوربي : ما بعرف بس بحسها مو حلوة و كتير متكبرة و مغرورة و شايفة حالها ، ما بعرف شو ناكول عاجبه فيها

ألينا : كل هذا حكتيه عنها

سوربي : مو بس هيك في اشيا كتيرة ، بس ناكول كتير يحبها

ألينا : شو عرفك

سوربي : اليوم حكى شعر ألها ، كان كتير حلو بس ما بعرف ليش لامس روحي حكيه

ألينا : ما بعرف

سوربي : بس ما بعرف بحس انه راح بكرا يصير معي اشي

ألينا : لا تخافي ماما ما راح تخسري إشي

سوربي : بتمنى حبيبتي ، انتي راح تظلي معي ألينا : اكيد ماما ،شو رايك تنامي معي

سوربي : ماشي حبيبتي

تنام سوربي وهي حاضنة ألينا ، ومش عارفة أنها بكرا راح تعرف حقيقة اكتر شخص بتحبه

واليوم التاني يكون القصر معجوق بتجهيزات الزواج ، وتكون بينكي واقفة مع شاكتي

بينكي : انا ما بعرف شو صار للولد

شاكتي : شو قصدك

بينكي : كنت احكيله يتزوج بصالة كبيرة و يعزم عليها كل ناس مهمة و ما رضي ، بده عرس بسيط و يعزم عليه ناس المقربة

شاكتي : اتركيه ع راحته و و تزعجيه

بينكي : بس ...

شاكتي : هي دوشيانت وصل خلينا نستقبله

بيوصل دوشيانت و يروح يوقف عندهم

بينكي : انا كتير مبسوط انك عنا

دوشيانت : وانا مبسوط لاني راح اشاركم فرحتكم

شاكتي : عقبال عن رودرا

دوشيانت : ان شاء الله

رودرا بيجهز بناكول و بافيا بتجهز جانكي

رودرا : شو راح تعمل

ناكول : بتعرف رودرا شو اتمنى

رودرا : شو تتمنى

ناكول : ان يصير معجزة و يلغى الزفاف

رودرا يحضن ناكول بقوة : انا اسف ما اقدرت اعملك اشي

ناكول : مو مشكلة

جانكي : بافيا انا اليوم كتير حلوة مو هيك

بافيا : ايه حبيبتي

جانكي : بحسك مو مبسوطة

بافيا " انا اسف جانكي لانه راح اغدر فيكي واكتشف #ذكريات_الماضي خاصة فيكي "

جانكي : بشو تفكري

بافيا : ولا إشي

جانكي : هيك انا تمام روحي شوفي ناكول جاهز

بافيا : اوكيه

بتطلع بافيا من غرفة و تروح ع غرفة ناكول يطلع منها رودرا و يسحب ايدها و يدخلها ع غرفة تانية

بافيا : شو تعمل

رودرا : شو اعمل انا

بافيا : شو

رودرا يقرب منها : انتي طالعة كتير حلوة اليوم

بافيا تخجل : شكرا الك

رودرا : في عندي مفاجأة الك بعد الزواج

بافيا : شو هي

رودرا يقرب منها اكتر و يبوسها ع خدها ويهمس بإذنها : هاي جزء من المفاجأة ، وتخجل بافيا و يطلع رودرا

بافيا بتبكي وتنهار : انا اسف رودرا ع كل شي عملته يمكن بعد لحظات ما راح تقدر تتطلع بوجهي بترجاك سامحني

بتوصل سوربي مع ألينا ع قصر اوبيروي و يرحب فيها شاكتي و رودرا و دوشيانت

شاكتي : انا مبسوط اليوم انك معنا

بينكي : اشوفك لحالك وين زوجك

سوربي : مدام انا مش متزوجة

بينكي : شو ..والبنت هاي

رودرا : سوربي تعالي نروح

تروح سوربي و ألينا مع رودرا

ألينا " ليش مدام بينكي تحكي مع امي هيك مين مفكرة حالها وحدة شريرة متعجرفة "

رودرا : انا بعتذر عن حكي زوجة عمي

سوربي : لا مو مشكلة عادي

بتنزل جانكي مع بافيا ، ويطلع رودرا بسرعة و ينزل ناكول

بينكي : اتطلعوا العرسان وصلوا ، بيطيروا العقل

ناكول متردد كتير كرمال العرس، وجانكي مبسوطة خططها نجحت

بينزلوا من الدرج و يوقفوا جنب بعض

بينكي : ليش مستحي ناكول امسك ايدها ووعدها انك ما تتركها لو شو ما صار

ناكول بيتطلع ع سوربي ، جانكي تمسك ايدها

وفجأة بيرن تلفون سوربي و يكون اوم ووتطلع من هنيك و تروح تحكي معه ، وناكول نظراته عليها

شاكتي : يلا نبلش بالطقوس ، ويروحوا عند المندب

ناكول : بعتذر جماعة بس عندي مكالمة ضرورية

بينكي : هلا

ناكول : ماما مكالمة دولية

بينكي : ايه فيك تروح بس لا تفكر تهرب ، ويضحكوا ، ناكول يترك جانكي عند المندب و يروح خلف سوربي

سوربي : اوم بعرف انك زعلان لاني ما حكيت معك بس اليوم زواج رفيقي لهيك ما حكيت معك

اوم : مو مشكلة ، بس كنت قلقان عليكم

سوربي : لا تخاف احنا كتير مناح

اوم : اوكيه ماراح اعطلك

سوربي : يلا سلام

سوربي تلتفت فجأة و توقع ويمسكها ناكول ويظلهم يتطلعوا بعيون بعض

ناكول : عيونك حلوة

سوربي : أنت منيح

ناكول : لا

سوربي : شو

ناكول يوقف و يعدل سوربي و خيط ساري بيعلق بساعته وكان بده يمشي بس يسحب خيط ساري و يفتح وتنادي عليه سوربي

سوربي : ناكول

ناكول بيلتفت لعندها ويلاحظ خيط مفلوت

سوربي : ناكول خيط. .. ويحط ايده ع تمها ويقرب منها اكتر

ناكول : انا .... اسف ويربط الخيط ، وسوربي تغمض عيونها بتحس بشعور غريب

سوربي : مرة تانية بحس بهيك اشي

ناكول : شو تحسي

سوربي : بحس .... وتحس ع حالها وتبعد

بينكي : رودرا ناكول تأخر روح وشوف وينه

رودرا : هلا بشوف

ناكول : شو تحسي سوربي

سوربي تتلبك تبعد اكتر و يقرب عليها ناكول لحتى تخبط بالحيط

ناكول : شو سوربي

سوربي : ولا اشي موعد زفافك عم يمشي

ناكول : ايه معك حق

رودرا بيوصل لعندهم : يلا ناكول

ناكول : يلا

بيروحوا ع مكان الزفاف و بيطلع ناكول ع المندب و ويعمل الطقوس مع جانكي و سوربي تتضايق كتير من الوضع بس ما تبين " انا ما بعرف ليش هيك بحس "

بافيا تتوتر وتبعت رسالة لرقم " وينك راح يبلشوا بطقوس " وتروح عند رودرا

رودرا : ليش اجيتي لعندي ،هلا ما فيني اركز ع اشي تاني

بافيا : بدي اخبرك اشي

رودا : احكي

بافيا تمسك ايده : رودرا انا بعتذر عن كل شي عملته الك ، كنت كتير غلطانة

رودرا :ليش شو عملتي

بافيا : انا بحبك كتير رودرا

رودرا : بافيا

بينكي : يلا أولاد اتف*جوا ع المراسم بعدين تحكوا

الكاهن : هلا وصلنا لدورات المقدسة الاخيرة

بافبا تتوتر بزيادة و تطلع

رودرا : شو صار معها لازم اروح اشوفها

بينكي : وين بدك تروح خليك هون

رودرا : بس

بينكي : ولا حرف

بافيا خارج قصر اوبيروي تنتظر شخص ويبعتلها رسالة بده ساعة بيجي

بافيا : كيف هيك لازم تعمل اشي بسرعة

وتدخل القصر بسرعة

الكاهن : هلا وصلنا العريس يلبس العروس طوق الزفاف و الحنة

بافيا تنصدم : شو راح يصير هلا كيف راح ابرر لناكول

ناكول بيمسك طوق الزفاف و بيتطلع ع سوربي ، وسوربي تتطلع عليه بنظرات حزن ...