الذكريات الجزء الثانى

الفصل ٥

وتدخل ألينا مع جوري و يقعدوا ع طاولة سوربي

رودرا بيمسك ايد ناكول و يرجعه ع طاولة و يهدي فيه

رودرا : حكم بإعصابك

ناكول : ما فيني

رودرا : اتطلع شكلو رفقاتها

ناكول : بس انا ....

رودرا : ليش ما تعترف بحبك إلها

ناكول : كتير متردد ما بعرف ليش

رودرا : كرمال ألينا

ناكول : ما بعرف اذا فيني أتقبل بنتها والا لا

رودرا : وليش لا

ناكول : ما بعرف خايف

رودرا : لا تخاف كل شي يكون تمام

ألينا : انا كتير مبسوطة ماما

سوربي : وانا كمان حبيبتي

جوري : من زمان طلعنا طشة متل هيك

سوربي : انا حضرت جدول رائع لمدة أسبوع

اوم : راح نستمتع كتير مع بعض

جوري : ايه معك حق حبيبي

و بيجي لعندهم رودرا و ناكول

رودرا : مسا الخير سوربي

سوربي : رودرا انت هون

اوم : مين بيكون

سوربي : هذا بيكون رفيقي و هذا أخوه ناكول اوم : تشرفت فيكم

ناكول : ومين بتكون حضرتك

اوم : انا رفيقها من طفولة و هاي بتكون زوجتي حبيبتي جوري

ناكول " اهاا رفيقها طلع هلا ارتحت " : تشرفت فيكم و بمعرفتكم

اوم : وانا تشرفت بمعرفتك

سوربي : ناكول

ناكول : نعم حب...

سوربي " ليش وقفت " : انا لمدة أسبوع ما راح اقدر اداوم

ناكول : ليش

سوربي : هم بيكونوا رفقاتي يزوروني بدنا نروح سياحة لمدة اسبوع

ناكول : مو مشكلة عادي

رودرا : عن إذنكم

اوم : خليكم تعشوا معنا

ناكول : احنا تعشينا، يلا سلام

ويروحوا و يرجعوا ع بيتهم ، ناكول بغرفته يفكر بسوربي

ناكول : لأسبوع كيف ما فيني بشوفها لمدة أسبوع

سوربي عاملة سهرة بالحديقة و تخبرهم عن خطط الأسبوع وكانوا كتير مبسوطين مع بعض

وبعد مرور إسبوع ...

يكون رودرا بيواسي اكشيه يكونوا ببيت رودرا

رودرا : انت من أسبوع ع نفس الحالة خلص غير من حالك

اكشيه : وبنتي وين بدي القيها

رودرا : ما بعرف شو بدي احكيلك

اكشيه : انا كنت متلهف اشوفها من خمس سنين ، وهلا شو راح اعمل هلا

رودرا : بكرا بتحب وحدة و بتخلف كتير أولاد و بنات

اكشيه: مفكر الموضوع بسهولة

رودرا : صدقني يا رفيقي ما بعرف شو احكيلك

اكشيه : هد*ك البنت لمين بتكون

رودرا : مين

اكشيه : يلي حضنتني بيوم العرس

رودرا : اه قصدك ألينا

اكشيه : اسمها ألينا كتير حلو

رودرا : بتكون بنت رفيقتي

اكشيه : خليني اروح لعندها

رودرا : ضروري

اكشيه : ايه ضروري

رودرا : وليش

اكشيه : كتير حبيتها للبنت

رودرا : جهز حالك و بعد شوي بنروح

سوربي و جوري قاعدين بالحديقة البيت وألينا عم تلعب ويتف*جوا عليها

جوري : كتير حلوة بنتك

سوربي : ايه بعرف وانا كتير مبسوطة فيها

جوري : انا كتير متحمسة ، مستني كتير هذاك اليوم وتكون بنتي بحضني

سوربي : اكيد راح تكوني مبسوطة

جوري : ع اساس تخبريني شو صار معك ،ع فكرة انا حاسك مو منيحة من أسبوع

سوربي : شو رايك ندخل ع البيت ونحكي هنيك

جوري : كأنه الموضوع خطير

سوربي : هيك اشي

جوري : متل ما بدك

سوربي تدخل ع البيت مع جوري

ناكول بمكتبه بيشتغل " مر أسبوع ع غيابك كأنه مر الدهر بنسبة إلي ، لا مكالمة و لا تلفون و لا حتى رسالة ،انا ما بستاهل التجاهل منك حبيبتي سوربي ، انا كتير اشتقتلك " وتدخل لعنده رايما

رايما : أستاذ عندك موعد مع سيد اومكارا تريفيدي

ناكول : دخليه ، بيدخل اوم ، ويتفاجا ناكول

ناكول : انت رفيق سوربي

اوم : ايه صح، ويسلموا ع بعض

ناكول : شو الصدفة الحلوة

اوم : من دواعي سروري بشتغل معك سيد اوبيروي

ناكول : ناكول وبس

اوم : متل ما بدك .... ناكول

ناكول : هيك راح نشتغل معك بكل ارياحية

اوم : بتمنى اني بشتغل معك

ناكول : انا يلي مبسوط فيك

اوم : يعني نوقع العقد

ناكول : اكيد

اوم : هي أوراق المشروع أقرأها

ناكول : انا بوثق فيك لهيك راح اوقعها

اوم : بس ما بيصير لازم تقرأها وبعدين توقعها

ناكول : احنا صرنا رفقات مستحيل تغدر فيني اوم : ايه معك حق

ناكول : تفضل احلى توقيع

اوم : شكرا الك كتير هلا بدي اروح ع البيت

ناكول : خليك نشرب فنجان قهوة

اوم : لا ما فيني ، شو رايك نشربها بالبيت

ناكول " هاي فرصة منيحة لحتى بشوف سوربي " : اوكيه يلا نروح

سوربي تحكي لجوري عن خطف ألينا و كشف عيلتها و خطف الينا من قبل كاران و كيف اجبرها ع زواج و انقذها ناكول وحرمانها من وظيفتها

جوري : كل شي صار معك

سوربي : ايه

جوري : ليش ما خبرتينا

سوربي : ما حبيت اشغل بالكم ، وهلا كل شي رجع طبيعي

جوري : طيب انتي ليش مش مبسوطة ، حاسك خايفة من إشي

سوربي : من #ذكريات_الماضي

جوري : شو قصدك

سوربي : خايف تروح من بين إيدي ألينا

جوري : كيف يعني وانتي أمها

سوربي : انا مش امها

تنصدم جوري وتتراجع للخلف : شو حكيتي

سوربي : ألينا بنتي بتبني

جوري : كيف يعني

سوربي : ايه متل ما سمعتي

جوري : ألينا بتعرف

سوربي : لا ، واكيد ما راح تعرف

تكون ألينا ع الباب وتسمع حكي سوربي و جوري و مصدومة من حكي امها و تركض لبرا البيت و تشوف اكشيه جاي لعندها وتحضنه وتبكي ، يحملها اكشيه و يقعد معها بالحديقة ويتفاجأ رودرا من ألينا

رودرا : بحس في رابط بينكم بس ما بعرف شو هو

اكشيه : بنتي الحلوة شبك ليش تبكي

ألينا : ماما. ..ماما...مش ماما

ينصدم اكشيه من حكيها : شو يعني

ألينا : ماما تبنتني تبني ، وتبكي كتير و يحضنها اكشيه بقوة ، ويدخل رودرا عند سوربي و جوري

سوربي : رودرا انت هون

رودرا : مرحبا سوربي و جوري

جوري : اهلين

رودرا : شو صار مع ألينا

سوربي : ليش شو صار معها

رودرا : عم تبكي كتير

جوري : لتكون سمعت حكينا

سوربي : مستحيل وتطلع من البيت بسرعة وتروح ع الحديقة ، وبنفس اللحظة بيدخل ناكول و اوم و يلمحوا سوربي و رودرا و جوري بيركضوا لعند الحديقة

ناكول : شو عم يصير هون

اوم : تعال بسرعة

وبيوصلوا لعند ألينا و اكشيه ، سوربي تتفاجا من اكشيه كيف حاضن ألينا بقوة وبيوصلوا اوم و ناكول

سوربي تقعد عند رجلين ألينا : بنتي ألينا حبيبتي ليش تبكي

ألينا : بعدي عني ما بدي اياكي ، وكلهم يتفاجئوا

اوم : ليش ألينا تحكي مع امك هيك

ألينا : هي مش امي ، انا صرت بعرف أنها متبنتني

ناكول ينصدم : شو تبني كيف هيك صار

رودرا : كيف يعني هيك

اوم : كيف عرفتي

ألينا : انا سمعتها تحكي مع عمتي جوري

سوربي تمسك ايد ألينا وتبكي : بترجاكي حبيبتي لا تحكي هيك انا امك

ألينا : ليش عملتي فيني هيك

سوربي : انا لما شفتك كتير حبيتك و قررت اتبناكي بترجاكي لا تبعدي عني تعالي لحضني

وتحضنها ألينا و بيصيروا يبكوا و تنام ألينا ع كتف امها

ناكول " سوربي مش متزوجة و لا عندها بنت انا كتير مصدوم فيها "

اكشيه " انا بحس ألينا كتير قريبة من مني معقول بتكون بنتي " ، سوربي تقوم و تروح تدخل ع البيت و كلهم يلحقوها وتنوم ألينا بغرفتها و تطلع من الغرفة تبكي

اوم : شو نامت

سوربي : ايه نامت

جوري : اوم أنت بتعرف

اوم : ايه بعرف

جوري : ليش ما خبرتوني ما توثقوا فيني

سوربي : لا مو الموضوع ثقة بس انا ما حبيت افتح الموضوع مرة تانية

اوم : صدقيني حبيبتي احنا بنوثق فيكي ، بس خفنا ع ألينا

جوري : مو مشكلة حبيبي

اكشيه : ممكن اعرف كيف لقتيها لألينا

اوم : ايه سوربي ليش فتحتي الموضوع

سوربي : لأني كنت خايفة تروح مني

ناكول : سوربي من كم سنة و هي عندك

سوربي : انا تبنيتها وهي بيومها الأول

رودرا : كيف

سوربي : انا بصراحة بشك تكون بنت جانكي

اكشيه : يعني بنتي

ناكول : شو يلي خلاكي تشكي

سوربي : من حكيها ، انا لقيت ألينا قدام ملهى moonlighting

اكشيه : جانكي حكت نفس الحكي ، يعني هي بنتي راح اخذها ، سوربي تخاف كتير من حكي اكشيه وتصير ترجف ، ناكول يلاحظ خوفها

ناكول : ما فيك تأخذها لحتى نعمل DAN ، وبعدها اذا طلعت بنتك ألينا تحتار بينكم

اكشيه يروح عند سوربي و يمسك ايدها

اكشيه : انا مستحيل اخذها منك ، انا بس بدي أشوفها لما تكبر قدام عيني ، انا بحترمك كتير تخليتي عن أشياء كتيرة وتعرضتي لأشياء كتيرة كرمال تربي ألينا

سوربي : شكرا الك كتير ع تفهمك

رودرا " هلا ما في اي مشكلة لزواج ناكول و سوربي "

ناكول يزيد حبه لسوربي لانها ربت بنت مش ألها " من سعادة حظي اني بحب وحدة متلك انتي كتير عملتي اشيا كرمال بنت مو بنتك و كنتي مستعدة تتزوجي كاران كرمالها"

رودرا : يلا نروح و بكرا موعدنا بالمشفى

اكشيه : فيني اشوفها و هي نايمة

سوربي : اكيد تفضل

بيدخل اكشيه ع غرفة ألينا و يقبل جبينها ويطلع ويروحوا ع بيتهم. ...