Chapter 43
THADDEUS POINT OF VIEW
Tahimik ang gabi. Tanging mahinang ugong ng hangin mula sa bintana ang maririnig sa paligid. Nakaupo si Thaddeus sa veranda, hawak ang cellphone, habang paulit-ulit na iniisip ang tamang paraan para sabihin ang balita sa kanyang kapatid.
Lumipas ang ilang saglit bago niya pinindot ang tawag. Ilang ring pa lang ay sinagot na agad ni Mozz mula sa Amerika.
"Kuya?" bati ng masiglang boses ni Mozz. "Anong balita?"
Huminga nang malalim si Thaddeus bago nagsalita.
"May naghahanap sa'yo dito," diretsong sabi niya. "Babae. Ang pangalan niya... Jean."
Biglang natahimik si Mozz sa kabilang linya. Para bang hindi siya makapaniwala sa narinig. Matagal bago siya nakasagot.
"Si Jean?" bulong nito, puno ng emosyon. "Kuya... uuwi na ako. Kailangan ko siyang makita
