"Boss, naroon siya sa loob at kanina ka pa talaga hinihintay."
Tango ang naging tugon ko sa lalaking nagsalita at sumenyas pa siya sa akin kung saan ako dapat pumasok na silid upang makita na ang taong aking hinahanap.
Kuyom na kuyom ang mga palad ko. Lapat na lapat din maging ang mga labi ko. Umiigting ang panga ko at baka mapatiran na ako ng ugat sa pagtitimpi na aking ginagawa.
Nanggagalaiti ako sa galit.
Kung literal lang na nag-aapoy ako sa sobrang galit na nararamdaman ko ngayon ay malamang na naging abo na ang lahat ng mga nasa paligid ko.
Isa sa mga tauhan ko ang dumating sa kung nasaan na lugar ako namamalagi at agad akong pinasakay sa kanyang sasakyan dahil daw kailangan na namin na magmadali dahil sinugod sa ospital ang kaisa-isa kong anak at nag-aagaw buhay.
Si Erin.
Ha
