"Basta tisay wag mong sasabihin kay Inang na dito tayo sa kabilang bayan nag punta ha? Lagot tayo, sabi paman din nya sa talipapa lang tayo."
"Bakit tayo nag punta dito kung hindi naman pala gusto ni Inang?"
"May kikitain kasi ako nakilala ko sa f*******: dito meet up namin mabilis lang ito tapos pupunta na tayo sa ukay-ukayan."
Kahit na nagugulohan si Dahlia ay tumango lang sya sa sinabing iyon ni Daisy. Napalapit na ang loob nya kay Daisy lalong lalo na sa Inang nito. Kinupkop sya ng mga ito hanggat hindi pa raw nya naaalala ang dating buhay nya kahit na ang totoo ay naalala naman nya talaga ito ngunit mahirap lang paniwalaan para sa mga ordinaryong mga tao tulad ng mag Ina.
Pumasok sila sa isang malaking gusali na maraming tao. Ang sabi sakanya ni Daisy ay Mall daw ito. Dito namimil
