عشقتكى يا عهد الجزء الثانى

الفصل الرابع الجزء الثانى

أخذ كرم سيارته وبجوارة الحاج معتز وذهب وراء ليث لتقف السيارة أمام السجن ليدخلوا ليث إلى زنزانه ومنعوا اى زيارات ليدخل ليث زنزانته ويجلس يفكر فى ما حدث له ليجد شخص يقترب منه .

أحد الأشخاص : انت متعرفش قواعد السجن ولا انت اول مرة .

لكن لم يرد عليه ليث ليغضب الرجل ويمسكه من قميصه : لما اكلمك ترد عليا .

وفى أقل من ثانيه وجد الرجل نفسه ملقى على الأرض بعنف والدماء تسيل من وجهه اثر لكمه قويه لينظر له ليث بسخريه ثم يعود إلى تفكيرة ، بينما جلس كرم ومعتز فى أحد المطاعم يفكرون ماذا يفعلون لإخراج ليث من هذه الورطه .

الحاج معتز : قوم معايا يا ولدى انا عرفت هتعمل ايه .

كرم بإستغراب : ايه .

الحاج معتز : تعالى معايا وهفهمك فى الطريق .

ليركب كرم سيارته ومعه الحاج معتز ليصلوا إلى وجهتهم بعض فترة قصيرة لينزل كرم من سيارته ويصعد هو ومعتز إلى أحد المنازل ليدق الحاج معتز الباب لينفتح الباب لتنظر عهد بإبتسامه إلى الحاج معتز لتحتضنه بسعادة ثم تسلم على كرم .

عهد بإبتسامه: اتفضلوا .

الحاج معتز : وحشتينى يا بنتى عامله ايه .

عهد بإبتسامه وهى تمسك يدة : الحمد لله يا بابا الحاج .

كرم بهدوء: محتاجين مساعدتك يا عهد .

عهد بإستغراب : مساعده ايه .

الحاج معتز : ليث محتاجلك يا بنتى .

عهد بقلق : ماله ليث .

ليحكى لها كرم عن تلك المهمه بكل تفاصيلها .

عهد بهدوء: إن شاء الله ليث هيخرج قبل الخمس ايام يخلصوا اطمنوا لو سمحت يا كرم ابعتلى أوراق المهمه واديها ليوسف .

كرم بإبتسامه: انا مقدر تضحيتك علشان ليث بس ليث اتغير اوى يا عهد .

عهد بإبتسامه حزينه : يتغير وهو قدام عينى بس مضحيش بيه ومشفهوش تانى .

الحاج معتز : ربنا يخليكي يا بنتى انا هقوم امشى علشان زهرة متعرفش حاجه عن الموضوع .

عهد بإبتسامه: تمام .

الحاج معتز : سلام .

عهد : سلام .

ليغادر كرم والحاج معتز لتفكر عهد بهذة القضيه وكيف كشف ليث ؟ هل حقا من تفكر فيه هو من فعل ذلك ؟ لتنزل من منزلها وتركب سيارتها وتنطلق إلى وجهتها ، بينما فى ملكه الحوت فى سرداب يوجد اسفل القصر يوجد به شخص مقيد اليدين والقدمين ويوجد لاصقه على فمه وآثار الضرب تظهر على ملابسه ووجهه ويوجد بجوارة فتاه تجلس على كرسى ومقيدة اليدين والقدمين ويوجد حولهم رجال يبدوا عليهم القسوة ليقف أمامهم حمزة بإبتسامه ساخرة .

حمزة : اول مرة اعرف انك غبى اوى كدا يا چاك فاكر انى مش هعرف اجيبك انا كنت ممكن اسامحك على اى حاجه حتى لو كنت موتنى ، ليضيف بغضب شديد : لكن تحاول تقتل عهد يبقى الموت يخبط على بابك بس انا مش هموت واعمل قلق للمافيا علشان واحد ميستهلش ذيك انا هكتفى انى هوريك العذاب اشكال والوان وهعرفك مين الحوت وانتى يا بيلا طلعتى متفقه معاه مكنتش متصور منك كدا .

بيلا : علشان بحبك يا حمزة ومش واحدة شكل دى تاخدك منى .

ليصفعها حمزة بقوة لينزل الدماء من فمها : الواحدة دى تبقى روحى فاهمه .

بيلا بغيظ : لا يا حمزة مش فاهمه انا كل مرة كنت بستحمل لما بلاقيك كل يوم مع واحدة علشان عارفه انك هترجعلى تانى بس عهد معرفتش توصلها علشان كدا عاوزها واول ما تاخد الى عاوزة هتسبها شكل الى قبلها وترجعلى .

حمزة بسخريه : يبقى انت مفهمتيش انا قصدى ايه عهد مش شكل اى واحدة عهد انا بحبها ونفسى تبقى مراتى وملكى لوحدى حتى لو مش هلمسها طول حياتى كفايه أنها جانبى وملكى لوحدى انا مش هأذيكى وهراعى انك صديقتى وهخلى ماركوس يرجعك اسبانيا بس لو عملتى حاجه تانيه يبقى حكمتى على نفسك بالموت فاهمه .

ليأتى الحارس من وراءه : حمزة بيه فى واحدة عاوزة حضرتك برا .

حمزة بجديه : مين دى .

الحارس : اسمها عهد الجارحى .

حمزة بسعادة : دخلها بسرعه وانا ثوانى وجاى .

الحارس : تحت امرك يا فندم .

حمزة وهو ينظر لبيلا وچاك : هسيبكم شويه علشان عشقى وصلت وهرجعلكم تانى.

ليغادر حمزة السرداب بينما نظرت له بيلا بغيظ وچاك نظرة كرة وغضب ليخرج حمزة ويتجه إلى الحديقه ليجد عهد تقف أمامه لينظر لها بإبتسامه .

حمزة بسعادة : وحشتينى .

عهد بغضب : انت إلى دخلت ليث السجن .

حمزة بهدوء: وانتى قبلتى ليث فين .

عهد بغيظ : رد على سؤال انت الى عملت اللعبه القذرة دى علشان تدخل ليث السجن .

حمزة ببرود : انا مبوجهش حد من ظهرة يا عهد انا لو عاوز اعمل حاجه فى ليث كان زمانى جبته قدامى وقتلته بسهوله وانتى عارفه كدا كويس بس انا سايبه مدام انتى بعيدة عنه انا ميلزمنيش ليث فى حاجه لكن انتى بتاعتى وتلزمينى .

عهد بهدوء: تمام يا حمزة .

لتغادر عهد ليمسك يدها حمزة ويقترب من أذنها : عارفه لو قربتى منه يا عهد هتكون اخر يوم تشوفيه فيها فاهمه يا ملكه الحوت .

ليتركها حمزة لتغادر عهد وتركب سيارتها لينظر لها حمزة بحب ويبتسم لها لتنطلق عهد الى منزلها وهى تفكر فى من فعل ذلك هو ليس حمزة لتصل إلى منزلها وتتصل بيوسف .

عهد : يوسف انا عاوزة اشوفك .

يوسف : تمام انا جايلك اهوة .

لتصعد عهد الى شقتها وبعد مدة قصيرة وصل يوسف إلى منزل عهد ليضع بصمته ليفتح باب الشقه ليدخل ليجد عهد شاردة .

يوسف : هيطلع يا عهد متقلقيش .

عهد بهدوء: يا رب يا يوسف دلوقتى انا عاوزة اعرف كل حاجه عن مدحت عدلى ومكانه فين علشان هو الوحيد الى يقدر يطلع ليث .

يوسف : انهاردة ممدوح هيعرف كل حاجه وهتصل بفريقك ينزل مصر .

عهد : لا انا هقوم بالمهمه لوحدى .

يوسف : مدام فى مهمه لازم فريقك يكون موجود معاكى ولو حابين بعد المهمه يسافروا تانى براحتهم .

عهد : بلاش تتصل بقاسم .

يوسف : قاسم من ضمن الفريق يعنى لازم يكون موجود انا همشى وباليل فريقك هينزل مصر وهنستقبلهم وبكرا هنيجى عندك ونتناقش فى المهمه هعدى عليكى علشان نروح نستقبلهم.

عهد بهدوء : تمام .

جاء الليل ليأخذ يوسف عهد الى المطار لتصل الطائرة وينزل منها الفريق لتتوجه إليهم عهد وتحتضنهم بشوق .

قاسم : وحشتينا يا كينج .

عهد بإبتسامه: انتوا اكتر اسفه نزلتكم قبل المعاد .

اسامه : عادى ولا يهمك .

عهد بهدوء: محتجاكم .

محمود : واحنا جانبك متقلقيش .

ليغادر الجميع المطار ويذهب كل شخص مع حبيبته إلى منزلهم .

***

فى الصباح جاء الجميع إلى منزل عهد ليجلسوا فى غرفه المكتبه لتقول لهم عهد عن المهمه .

ممدوح : وانا جبت كل المعلومات عنه .

اسامه : وانا ونبيل هنتتبع خط سيرة ونعرف هيكون فين انهاردة .

محمد : وانا هتابع قضيه ليث .

علاء : وانا هأمن وجودة فى السجن .

قاسم : وانا هتابعهم وهجهز كل حاجه بعد ما يلاقوا مكان مدحت .

عهد : تمام اتفضلوا ونجتمع بعد ما تعرفوا كل حاجه .

محمود : تمام .

ليخرج الفريق ليتابع عمله ليأتى الجميع إلى عهد قبل حلول الليل .

اسامه : بكرا هيكون فى فيلته علشان يستعد للسفر.

نبيل : وفيلته فى مكان مهجور على البحر .

ممدوح : ومعاد طيرته باليل ويكون متواجد فى الفيلا قبل السفر بوقت .

عهد : تمام معدش غير حاجه واحدة قبل ما اروحله.

قاسم : ايه .

عهد : عاوزة ادخل سجن الحريم .

يوسف : نعم .

عهد : لازم ادخل واقابل البنت إلى دخلت ليث السجن .

يوسف : انتى اتجننتى يا عهد تدخلى السجن والله اعلم هتقابلى مين غيرها جوا والبنت دى واحدة ع***ة وهتلاقى السجن دا مليان بأشكال تانيه انا مش موافق .

عهد : متخافش يا يوسف ممدوح هيأمن دخولى وانا هخرج فى نفس اليوم علشان الحق مدحت وانا هعرف ادافع عن نفسى جوا السجن .

قاسم : خلاص يا يوسف مش هتعرف تغير رأيها تفكيرك اتغير اوى يا عهد .

عهد بإبتسامه: انا ممكن اعمل اى حاجه علشان ليث الحب بيغير يا قاسم .

يوسف بحزن : المهم خلى بالك من نفسك .

ليغادر الجميع ويأتى الصباح الباكر ليأخذها ممدوح بتعاون مع سيف بإدخالها السجن حيث اتهمت عهد بأنها قبض عليها فى بيت أحد شقق الاداب لتدخل عهد السجن لحين عرضها على النيابه لتأخذها المفتشه وتدخلها أحد العنابر لتدخل عهد وتنظر إليهم لتجد فتاه ترتدى فستان يظهر أكثر ما يستر وتجلس وتنفث سيجارة لتجد أحد السيدات تقترب منها .

السيدة : ايه يا حلوة جايه فى ايه .

ولكن لم تعطيها اى اهتمام بينما توجهت إلى تلك الفتاه وسحبتها من شعرها بقوة لتصرخ تلك الفتاه وتحاول ابعاد بد عهد المحكمه على شعرها .

عهد : انطقى يا بت اذاى دخلتى ليث السجن .

الفتاه : انا معرفش انتى بتكلمى عن ايه .

عهد بقوة : هتنطقى ولا اموتك فى ايدى ومحدش هيرحمك منى .

الفتاه بخوف من لهجتها : خلاص هتكلم مدحت باشا قالى أن فى واحد هيجيلك ويسألك عنى فأخليه يدخل واشغله لحد ما البوليس يجى واعترف انو بيجيلى كل يوم ويقضى معايا السهرة وهيدينى خمسين ألف جنيه .

عهد بغضب : تعترفى بده قدام النيابه .

الفتاه : لاه هيموتونى .

عهد بسخريه : تموتى على ايد الشرطه احسن مليون مرة انك تموتى على ايد واحد مجرم وانا لو متكلمتيش هموتك بإيدى .

الفتاه : خلاص هقول كل حاجه..

عهد : انتى اساسا متستهليش بس متخافيش هحميكى لحد ما توصلى النيابه وترجعى السجن تانى .

لتخرج عهد الهاتف من جيبها لتتصل بيوسف : انا نفذت المهمه خلاص عاوزة أخرج .

يوسف : تمام .

ليدخل ممدوح ومعه سيف ويخرجوا عهد بدفعهم مال ولمنصبهم اخرجوا عهد .

عهد : شكرا يا سيف تعبتك معانا .

سيف : ولا يهمك .

لتأخذ عهد سيارتها وتنطلق إلى مكان مدحت لتصل بعد مدة وتقف قبل أن تصل وتنزل من سيارتها وتتوجه إلى الفيلا بحظر حيث تسلقت أحد المواسير لتقفز إلى النافذة لتدخل عهد الفيلا ومعها سلاحها لتتفقد المكان لتجد صوت من ورائها لتلتفت .

مدحت : نورتينا مش كنتى تقولى انك جايه كنا عملنا الواجب امسكوها .

لتجد عهد شخصين يمسكوها من كتفها واربعه أشخاص يصوبون بإتجاهها أسلحتهم لتحاول عهد التخلص منهم لكن الكثيره تغلب الشجاعه

مدحت بسخريه: الكينج جاى بنفسه لحد عندى دا شرف ليا .

عهد : كمان عارف انى الكينج انت مين بالضبط ومين مسلطك .

مدحت بسخريه : اسف مينفعش اقول بس اقولك سر .ليقترب منها مدحت ويتكلم بجانب أذنها كفحيح الأفاعى : انك هتموتى ومش هتعرفى تطلعى جوزك من السجن بس بصراحه محتار اقتلك اذاى وفى المقابل هكون من أغنى الأغنياء ،ليضحك مدحت بسعادة .

عهد بغضب : مش هتلحق يا مدحت واوعدك أن نهايتك على أيدى بعد ما اود*ك السجن .

مدحت بضحك : وهتاخدينى اذاى انا قدامك اهوة .

ليسمع طلق ناري يحاوطهم لتشد عهد يدها بقوة وتضرب الشخصين اللذان يمسكاهها ليهرب مدحت ليدخل اسامه وقاسم ومحمد ومحمود وعلاء ونبيل ويوجهوا أسلحتهم على الباقى لتركض عهد وراء مدحت لتخرج من الفيلا وتبحث عنه لتجد مسدس موجه على رأسها من الخلف .

مدحت : حان وقت النهايه يا حضره الكينج .

لتستدير عهد بسرعه وتمسك المسدس ليحاول مدحت بقوة دفع يدها وعهد تحاول أن تأخذ المسدس لتخرج طلقه استقرت فى كتفها لتدفع عهد مدحت بقدها بقوة ليقع أرضا ويمسكه اسامه ومحمد ليركض بإتجاهها قاسم ونبيل وعلاء بخوف : عهد انتى كويسه .

عهد بهدوء: انا كويسه يلا خدوه النيابه وزمان يوسف خاد البنت واعترفت يلا يا نبيل .

نبيل : حاضر .

ليأخذ نبيل وممدوح وعلاء ومحمود مدحت الى النيابه بينما اخذ قاسم واسامه ومحمد عهد الى المستشفى لإخراج الرصاصه جاء الليل ليذهب يوسف بقلق الى عهد فى المستشفى .

يوسف وهو يمسك يد عهد : انتى كويسه يا حبيبتى .

عهد بإبتسامه: متخافش يا يوسف انا كويسه .

يوسف : كان لازم مسبكيش لوحدك وكمان موفقش على انك تروحى المهمه دى ليث من ساعه مدخل حياتك وخايف عليكى من ساعه متجوزتوا وانتى حياتك بقت معرضه للخطر يا ريت ما كان ظهر فى حياتك من الأساس .

عهد بهدوء: انا كويسه يا يوسف وكمان ليث هو حياتى وانا من غيرة هموت يا يوسف وكمان خلاص المهمه خلصت ومش هشوفه .

قاسم : ليث طلع براءه بعد ما البنت اعترفت بكل حاجه ومدحت اعترف بعد ضغطت عليه وتعذيب من سيف وبكرا هيخرج من سرايا النيابه ويرجع شغله تانى .

عهد بإبتسامه: الحمد لله .

محمد : يلا الدكتور سمحلك بالخروج يلا علشان ترتاحى .

ليمسك يوسف يدها ويخرجوا من المستشفى لتذهب عهد الى منزلها وتجلس على سريرها والإبتسامة على وجهها لإطمئنان على حبيبها .فى اليوم التالى خرج ليث من سرايا النيابه ليجد الحاج معتز وزهرة وكرم فى انتظاره ليحتضن ليث زهرة بشوق .

زهرة : وحشتنى يا ولدى .

ليث : انتى اكتر يا امى بس مين قالك .

زهرة : سمعت معتز هو بيتكلم مع عمك المهم انك خرجت بالسلامه يا ولدى .

ليحتضن ليث معتز : حمد على السلامه يا ولدى هترجع معانا الصعيد ترتاح يومين .

ليث بإبتسامه : تمام يا حاج .

ليحتضن ليث كرم : شكرا على إلى عملته يا كرم .

كرم بهدوء: ولا يهمك .

ليركب عهد السياره مع والدته ليقترب معتز من كرم .

كرم : ليه مقولوش أن عهد هى إلى طلعته .

معتز : عهد عاوزة كدا خلى بالك من نفسك يا ولدى .

كرم : حاضر يا عمى .

هل سيعرف ليث بالحقيقه ؟

إن شاء الله الفصل إلى جاى هيبقى احسن فصل من وجهه نظرى والفصل إلى كله مستنيه انتظرونى يوم الجمعه ويارب البارت يكون عجبكم وقولولى توقعاتكم للفصل إلى جاى فى الكومنتات سلام