CHAPTER 26
THIRD PERSON’S POINT OF VIEW
HINDI MAPAKALI si Ariani, hindi niya matukoy kung bakit. Ang alam niya lang ay kanina pa masama ang pakiramdam niya pero base sa naaalala niya sa findings ng kaniyang OB doctor ay dahil ‘yon sa stress nitong mga nakaraang araw sa kaniya pero pakiramdam niya ay may iba pang dahilan at hindi niya lang matukoy.
Buong gabi niyang inisip ang mga nangyari sa araw na ‘yon at kahit papaano ay iyong araw na ‘yon ang pinaka-better sa mga nagdaang araw sa kanila ni Lawrence. Hindi niya aakalaing makakatulong at makakagaan ng sitwasyon kahit papaano ang pag-uusap nang maayos kahit sobrang labo na sa paningin niya ng sitwasyon nilang dalawa.
Tumayo si Ariani Mariette mula sa kama, pinagmasdan muna niya ang mukha ng asawa na halatang mahimbing na mahimbing ang
