KABANATA 4: Party Crasher
HALOS MAPATALON ako sa gulat nang marinig ang alarm clock ko. Nangunot pa ang noo ko nang maabutan itong nakapatong sa mismong harap ng tainga ko.
Inis na tinapon ko ‘yon sa kung saan man para manahimik at magtigil sa pag-iingay saka bumaling sa kabilang side ng kama para ituloy ang tulog. Ang sakit sakit ng ulo ko tapos tututukan ng alarm clock ang tenga ko, sinong gagawa ng katangahan na ‘yan sasapokin ko.
Wala sa sariling nagmulat ako ng mga mata nang parang mapansing may mali.
Hanggang sa na-realize kong umaga na!
Napabalikwas ako ng bangon mula sa kama at agad na sinapo ang ulo nang maramdaman ang kirot doon.
Fuck s**t?!
Umikot pa ang paligid kaya mariin akong pumikit habang sapo-sapo ang ulo na pumipintig pa rin sa sakit dulot ng matinding hangover
