NAALIMPUNGATAN si Britney nang may naramdamang init sa kanyang batok. Idinilat niya ang kanyang mga mata. Bumulaga sa kanya ang panlalaking disenyo ng kuwarto. Malamig, maayos, at higit sa lahat mabango ang loob ng kuwarto na kanyang kinaroroonan.
Nang makita ni Britney ang brasong nakapalupot sa kanyang baywang ay doon lang niya na napagtanto ang lahat. Ikinasal siya kagabi at katabi na niya ngayon ang asawa sa ibabaw ng kama.
Dahan-dahan ang ginawa niyang pagpihit paharap sa asawa. Tinitigan niya ito. Hindi niya akalain na gano’n kabilis ang mga pangyayari sa kanyang buhay. Dati kaasaran lang niya ang lalaking kaharap. Ngayon asawa na niya ito. Sabagay wala naman siyang hahanapin pa sa asawa. Guwapo, mabait kapag may sumpong, maganda ang pangangatawan, at higit sa lahat mayaman. Hin
