Gwen's Point of View:
Alas tres ng hapon ng sabado nang sunduin ako ni Markus papunta sa isang resort sa Pangasinan. Medyo nainip ako dahil ang pagkakaalam ko ay maaga kaming pupunta pero anong nangyari? Ang tagal niya akong sinundo.
Sana ay nakisabay na lang ako sa mga kasamahan namin sa van na provided ng kompanya para mas maenjoy ko pa sana ang outing namin. Kaya lang si Markus, pinilit niya akong sa kanya sumabay na akala ko, maaga rin kaming pupunta.
Marami akong naging tawag sa kanya dahil sa tagal niyang dumating at ang sinabi niya lang kanina ay may ginagawa lang siya. Noong tinanong ko kung ano iyon, hindi naman niya sinagot!
Napabuntong hining na lang ako habang nakatanaw sa labas ng bintana ng sasakyan ni Markus. Hindi nagtagal ay ipinikit ko ang aking mga mata.
Hindi ko
