Gwen's Point of View: Kinaumagahan, maaga akong sinundo ni Markus dito sa bahay. Kumain kaming dalawa ng agahan sa bahay dahil gusto niya raw akong kasabay kumain. " May problema ka ba, Gwen? " biglang tanong sa akin ni Markus. Nasa byahe kami papasok ng aming trabaho. Kagabi ko pa iniisip kung sasabihin ko ba sa kanya na nagpakita si Lester sa akin o hindi. Gusto kong sabihin sa kanya ang tungkol doon pero hindi ko alam kung paano sisimulan. " Wala naman, may bumabagabag lang sa akin, " sagot ko sa kanya. Naramdaman kong pinabagal niya ang takbo ng sasakyan , " Ano ang gumugulo sa iyo, Gwen? Pwede mong sabihin sa akin, " sabi niya sa akin. Napatingin ako sa kanya. Nakangiti siya kaya napabuntong hininga na lag ako. Kailangan din naman niyang malaman ang tungkol kay Lester dahil