Bumalik si Zoe sa kanyang pagkakahiga. Maging si Sophia ay natulog muli. Habang natutulog si Sophia ay tinititigan ito ni Zoe. Napapangiti ito kapag naiisip niya ang sinabi nito sa kanya kanina. Kahit hindi maalala ni Sophia kung ano man iyon ay masaya pa rin siya dahil sa bibig mismo ni Sophia nanggaling ang salitang iyon. Lumapit siya kay Sophia at hinalikan nito ang noo ng kaibigan at niyakap niya ito bago siya matulog. Magkayakap pa sila ng matulog.
Kinabukasan ay maagang nagising si Zoe para mag-ayos ng kanyang bagahe na dadalhin pabalik ng Singapore. Maging sa pag-aayos ng gamit nito ay aligaga siya marahil ay napuyat ito sa kakaisip tungkol sa nasambit ni Sophia sa kanya. Daig pa niya ang adik sa pagkaaligaga nito.
Nagising na rin si Sophia pero hindi muna ito tumayo. Umupo muna
