At nang makalabas na si Liza ng pinto ay wala ng nagawa pa si Leo kung hindi ang mapaupo sa sofa. Biglang gumuho ang kanyang mundo ng mga sandaling iyon. Halos suntukin na niya ang pader na nasa tabi lamang niya. Hindi siya makapaniwala na sa isang iglap ay maglalaho ang lahat ng pinangarap niya. Isa si Liza sa pinangarap niyang makasama habangbuhay. At nang dahil lang sa isang pagkakamali ay nawala ang taong pinaka-iingatan niya ng lubos. Dahil sa sama ng loob ang una niyang naisip na tawagan ay ang matalik na kaibigan ni Liza.
Pagkatapos niyang makausap sa telepono si Sophia ay pumayag na ito na makipagkita sa kanya. Pinapunta na lang ni Sophia ang kaibigan sa resto bar para doon sila makapag-usap.
Dali-daling kinuha ni Leo ang susi ng kotse at kaagad na umalis. Halos paliparin na ni L
