Habang abala siya sa pag-iisip ng maaaring kahihinatnan ng resulta ay hinanda na niya ang kanyang sarili. Kung maging maganda ang resulta ng kanyang mga lab tests ay maaari na nitong ituloy ang kanyang buhay na kasama ang pamilya at pati ng taong nagpapasaya ng puso niya ngayon. At iyon ay walang iba kung hindi ang kanyang nobyo na si Leo. Napatulala ito habang nakatingin sa kawalan. Malamang ay alam na niya sa sarili niya na hindi maganda ang kalalabasan ng resulta kaya ngayon pa lang ay pinagpaplanuhan na niya kung paano niya sasabihin sa matalik niyang kaibigan na si Sophia ang panandaliang paglisan niya. Maging sa nobyo nitong si Leo ay hindi pa niya alam kung paano siya magpapaalam. Sumagi tuloy sa kanyang isipan na huwag na lang magpaalam sa dalawa para hindi na sila umasa at masakta
