Nang maabot na ni Liza ang orange juice sa dalawa niyang kaibigan ay umupo na muli ito sa sofa. Lihim siyang natatawa sa dalawa dahil nang maibigay niya ang orange juice sa mga ito ay tila nagkakarerahan ang mga ito sa pag-ubos ng juice.
"Sophia! Leo! Para kayong mga sira. Tama ba naman na mag-unahan pa kayo na maubos iyang mga juice ninyo. Anong trip niyong dalawa?" Saka nito pinakawalan ang kanyang malakas na tawa na kanina pa niya pinipigilan.
"Ewan ko kay Sophia. Umiinom lang naman ako. Tamang sinabayan lang niya ako." Paliwanag ni Leo sabay lapag ng baso sa may center table.
"Ikaw kaya itong nakikipag-unahan," ani Sophia kay Leo na nakataas pa ang kilay.
"Tumigil na nga kayong dalawa diyan. Kapag hindi kayo tumigil na dalawa diyan ay pauuwiin ko kayong pareho."
At nang nagbitiw s
