مأمنى

مأمنى 3

حازم خرج من مكتب ابوه ودخل ََمكتبه وحسام راح عنده

حسام : خلاص يا زومي متزعلش وبعدين انا عارف انك مش عايز تسيبني لوحدي هنا بس انا هتصرف

حازم بزعل : ازاي يا حسام انا اتعودت على أن احنا مع بعض في شركه واحده انا اصلا مش عارف ازاي خدت قرار اني افتح فرع لوحدي

حسام : سيبها على الله والتوكل عليه وافتح واشتغل

حازم : ونعم بالله

حسام بمرح : خلاص يقا يا عم احنا هنعمل زي المطلقين ولا اي

حازم : هههههه مطلقين وانتا عارف هما بيبقوا عاملين ازاي

حسام : بيحطوا اديهم على خدهم ويعدوا يندبوا

حازم : ولا اخرج من هنا يلا

حسام بضحك : ما بلاش

حازم كمل بغناء : ما بلاااااااش ما بلاااش تغيب عنا تاني ما بلاش يا سايب أراضينا ما بلاش ما بلاش تغيب عنا تاني ما بلاااااش

حسام اندمج مع صوته : الله يا زومي صوتك يجنن بس مش هبعد عنك كدا تمام هههه

حازم : ههههههه اخرج بقا

حسام وهو خارج : حاضر يا عم مش هسيب ارضيك

_________________________

عند حور

جهزت وخلصت كل حاجه دخل اخوها محمد : حبيبتي القمر اي العسل دا خلصتي كل حاجه

حور : اه خلصت

محمد : مصطفى على وصول خلاص

حور هزت دماغها

محمد : يلا انا هخرج اشوف وانتي ابقي اطلعي فين البت رغد

رغد : نحن هنا من يبحث عني

محمد : تعالى يا قدري عايزك وبعدين مقعدتيش مع اختك ليه

رغد ببرءه : والله قعدت انتا ظلمتني

محمد : طيب يلا تعالي

وخرجوا

وقعدت حور وفاطمه

حور : بطوط لسه مش لقيتي شغل

فاطمه بزعل : لا والله يا قلبي مش لايقه

حور بتفكير : هقولك فاكره عمو حسن اللي كنا بنروح عنده ده عنده سلسله مطاعم كبيره وجميله جدا وفاتح فروع انتي عارفه اني كنت عايزه اشتغل بس محمد قالي لا وكمان مصطفى معتقدش هيوافق روحي انتي بقا

فاطمه ابتسمت وحضنتها : حبيبه قلبي متحرمش منك ابدا يا رووحي ويديمك ليا

حور : يا رب يا قلبي

خرج محمد مع رغد واستقبلوا مصطفى ومامته

محمد : اهلا بحضرتك يا حاجه

الحاجه صافيه : اهلا يبني

محمد : عامل اي يا مصطفى

مصطفى : الحمد لله

وقعدوا شويه

الحاجه صافيه اتكلمت بغيظ: يابني احنا جايين نطلب حور لمصطفى قولت اي

محمد : الرأي رأيها استنى... رغد أدخلي هاتي حور

حور خرجت هيا وفاطمه

الحاجه صافيه باستعباط : ما شاء الله يا بنتي قمر كانت بتكلم على فاطمه على أساس حور

فاطمه : حضرتك دي حور مش انا

الحاجه صافيه بخبث : معلش يا بنتي العتب على النظر اصل البتاع اللي بيحطوه دا بيغير الوحده

حور : حضرتك انا المكياج مليش فيه اووي وانا مش حاطه

الحاجه صافيه لنفسها : اي البجاحه دي : ماشي يا بنتي رايك اي

حور ات**فت ومحمد قال : نقرء الفاتحه

الحاجه صافيه متغاظه : شوف يابني احنا عارفين ان اختك معاها كليه وابني برده معاه بس فلوسه على قده مش هنجيب حاجات كتيره وهتقعد معايا في نفس البيت اللي على الشارع بتاعنا دا

محمد بغضب في نفسه : لا والنبي يختي كتر خيرك: مفيش مشكله يا حاجه وبعدين حور هنجيب كل حاجتها بس موضوع معاكي في نفس البيت دا خدي رأيها هيا

اي رايك يا حور

حور : معنديش مشكله عادي

الحاجه صافيه : ماشي نقوم احنا بقا وهنجهز كل حاجه لبسها يابني الخاتم الدهب اللي جبته

طلع مصطفى الخاتم ولبسهولها

ومشوا

محمد بعد ما مشوا بيتكلم : الوليه دا مشفتش في بخلها هيا وابنها ومنتنين طول عمرهم

فاطمه : امال اي اللي خلاك تشوفهم وتوافق

محمد : ابدا والله انا لقيته نضف ودخل كليه صيدله ويبقى كويس اتاريه انتن من الاول عايز يقعدها مع أمه وكمان خاتم الخطوبه دهب

حور : محمد التواضع حلو انا عاجبني

محمد : تواضع اي دا دا اسمه بخل ماهو معاه انا مش محتاج منه حاجه غير انو يقعدك في مكان كويس ويجبلك حاجه تشرفك بس

فاطمه : محمد معاه حق يا حور

حور : ياجماعه خلاص هو كويس في أخلاقه وحالته الماديه كمان حلوه وهو مش بخيل زي ما انتو مفكرين يمكن عايز يعمل حاجه او يفاجئني بحاجه خلاص

محمد : خليكي كدا علطول اما اشوف أخرت قلبك الطيب دا هيود*كي لحد فين يا بنتي دا جواز وبعدين لو الولد دا متظبتش انا مش لازمني اجوزه اختي وبعدين انتي امانه بابا وماما ليا انتي واختك

ومشى على شغله

فاطمه : رورو متشغليش بالك انا ماشيه عشان ماما رنت عليا ماشي يا قلبي وهبقي اكلمك تمام يلا سلام

رغد : حور هقولك متوافقيش عليه دا ولد منتن زي ما قال محمد

حور بصتلها : ملقيتش غيرك يا اوزعه واخد رأيه في جوازي

رغد : ههههه والله حرام اللي بتعملوه والله يابنتي انا عايزه مصلحتك يا رورو

حور : انا عرفاها كويس يلا قومي زاكري وسيبي التليفون دا والنت شوي كفايه

رغد بمرح : ااااه دانتي بتموتيني بالبطيئ يا رورو

حور : يختي اتنيلي كدا انا مش عارفه هتنجحي ازاي عارفه ما تشيلي ماده محمد هيموتك عشان بيود*كي دروس وبيجبلك كل حاجه وبعدين انا عيزاك تدخلي كليه حلوه وعاليه ولو انتي منتبهتيش لدراستك السنادي ي رغد هقول لمحمد ياخذ الفون منك ومش هتشوفيه

رغد : حاضر حاضر هقوم اذاكر

_________________________

في الفيلا

حنان : سعديه سعديه انتي يا وليه

سعديه (الخادمه) : ايوا يا هانم

حنان : انا خارجه رايحه النادي وانتي جهزي الغدا كبير وفخم ماشي

انه : ليه يا مرات ابني عايزه غدا كبير وفخم

حنان : ملكيش دعوه يا حجه انتي

انه : على أساس مشغوله بيكي انا يختي غوري من وشي كتك داهيه انا معرفش اتجوزك على أي كانت مالها ايمان ربنا يسامح اللي كان السبب منه لله اللي خرب عليها بيتها وبعدها عن ابنها

حنان بغضب : يا وليه انتي انا مش فاضيه لهبلك دا انا ماشيه

انه : روحي شله تمشي ما تيجي

حنان وصلت للنادي وقابلت صحابها من الطبقه المخمليه زيها ومبسوطه معاهم

حنان : اي رايكم تيجو عندي النهارده انا قولك للخدامه تعمل الاكل فخم على ذوقم

أصحابها فرحوا وابتسموا : ماشي هنيجي وبالمره نشوف الولاد اصل دمهم سكر اووي

حنان : دا من ذوقك يا قلبي

_______________________

في الشركه

في مكتب حازم بيشتغل ودخلت عليه اميره (سكرتيرته الخاصه)

اميره : مستر حازم في بزنس مان هيشرفونا من اليابان عشان المشروع الجديد

حازم : تمام شكرا يا اميره وحضروا غرفه الميتنج

اميره : تمام

وخرجت وهوا كمل شغل ودخل حسام : سمعت في بزنس مان هيشرفونا من اليابان دا حق

حازم : اه وبعدين

حسام : الياباااان اليابااااان بلد العلم والحضاره

حازم : ما انا عارف يا بأف اي الجديد

حسام : هتقا**هم ازاي

حازم : هنا في غرفه الاجتماعات

حسام : ااااه

وبعده فتره من الوقت دخلت اميره : مستر حازم هما نزلوا من الطياره بس عايزين الميتنج في مطعم أو أي حاجه غير الشركه

حازم : تمام احجزي في مطعم عمو حسن

اميره : تمام وخرجت

حازم : روح بلغ ابوك يا حسام وانا همشي على المطعم

حسام : حاضر

حسام دخل المكتب عند والده

حسام : بابا

راشد : نعم

حسام : البزنس مان بتاع اليابان وصلو وحازم راح المطعم يقا**هم

راشد : ماشي انا هروح

حسام : وانا اعمل اي بقا

راشد : خليك في الشركه أو تعاله معانا عشان تشوف الميتنج بيتعمل ازاي

حسام : ههههههه هرمي نفسي في النار بأيدي ليه ما اروح احسن اجيب شويه شيبسي على شوكولاته على حلويات وادلع نفسي...... خدني معاك بقا)

راشد راح المطعم وشاف حازم

وقرب عندهم بعد التحيات والسلامات مضوا العقد معاهم ومشيوا

راشد : يا ريت تنفذ اللي قولت عليه بسرعه

حازم : حاضر....... ومشى رجع شركته

حسام : اي الأخبار

حازم : وقعنا العقد

حسام : كويس بقولك اي انتا خلصت شغل

حازم بستغراب : ليه بتسأل

حسام : كنا هنرجع الفيلا انا زهقت من هنا

حازم : يلا ونعدي على شيماء نجيبها معانا

حسام : اه يلا ومشوا وراحو عند شيماء

حسام دخل وصفر : احلى فاشن ديزينر مع مزه مصر

شيماء : بس يا بابا العب بعيد اي العبط اللي بتقوله دا

حازم : ههههههه

حسام : انا غلطان اني بقول كدا وبرحب بيكي

شيماء : ههههه لاه جايه من كوريا الشماليه

حسام : ههههه لاء جايه من تحت العربيه

شيماء : يخربيت رخامتك يا أخي المهم جايين ليه

حازم : هنرجع الفيلا وجينا ناخدك

شيماء : ايوا بس بس انا كنت

حازم : مالك في اي

شيماءبتوتر : اااصل فارس قالي هجيلك واشوفك

حازم : لا يلا النهارده وبعدين متتكلميش مع الولد دا تاني يا حبيبتي

شيماء : مش هقدر يا زومي بحب اتكلم معاه

حازم : برده لا ومليون لا

شيماء : ماشي يلا اطلع على الفيلا

ومشيو وأول ما وصلو شافو" انه"

انه : حبايبي جيتو

حازم : ايو يا قلبي يلا ناكل عشان انا هقع من طولي

حسام : اه والنبي بطني عملت زقزيق

انه : وانتي يا شوشو

شيماء كانت سرحانه : اهاا

انه : بقولك جعانه

شيماء : اه وجداااااا

وقعدو أكلوا وكل واحد طلع غرفته وأنه طلعت ل شيماء

انه : مالك يا قلبي

شيماء : عايزه اكلمه

انه : قولنا بلاش من الولد ده

شيماء : بحبه يا انه

انه : يا قلبي دا مش حب دا ولد بيضحك عليكي

شيماء : لا بيحبني ومش هيسيبني ومش هيضحك عليا

انه : بتمنى

شيماء : قامت كلمت فارس

فارس : قلبي عامله اي يا حبي

شيماء : بخير وانتا

فارس : قوليها بقا

شيماء :اقول آي

فارس : قوليلي وانتا كمان يا قلبي وحشتني

شيماء ب**وف : وانتا كمان يا قلبي وحشتني

فارس : قلبي انتي طيب كنت هقولك

شيماء : نعم

فارس : كنت عايز اشوفك يا قلبي وحشتيني

شيماء : مش هينفع انا بكلمك ومحدش عندنا عارف بحاجه غير أنه وماما وأنه معارضه

فارس : تعالى الفيلا وامشي بسرعه

شيماء : هشوف

وقفلت وليست بنطلون جينز وعليه شميز احمر ونزلت

راشد : على فين يا جميل

شيماء : هقابل فارس

راشد : مش قولنا بلاش الولد دا

حنان : سيبها تخرج وبعدين احنا هنخطبهم لبعض روحي يا قلبي

شيماء : اروح يا بابا

راشد : روحي مدام انتي عايزه

وخرجت وبعد شوي شرفوا أصحاب حنان

حنان بترحيب : اتفضلوا اتفضلوا وقعدوا كلوا وهزروا وضحكوا وحازم نزلوكان خارج

حنان : على فين يا بيه مش تيجي تسلم على الضيوف

حازم ببرود : نعم لمواخده انتي مش شايفه حضرتك أن دول ضيوفك انتي

حنان بغضب : مش تتكلم باحترام مع الأكبر منك

حازم : لما اللي اكبر مني يحترمني الأول

راشد زعق : ولد اتكلم عدل

حازم : بعد اذن حضرتك انا خارج

ومشى

حنان : شفت بيتكلم ازاي

@ مش ده ابن ايمان مرات راشد الأولى

& اه هوا ابنها شبها بس هيا كانت مش بتهتم بأنها تقعد وتطلع وتخرج كدا

@ اصلا كانت من المنيا ومكنتش بتفهم حاجه في الطبقه المخمليه

حنان : خلاص احنا هنفضل القاعده كلها نتكلم عليها

@ عندك حق

وكملوا قعدتهم لحد ما مشيوا

عند حازم ركب عربيته وخرج وراح مطعم عم حسن

وصل وقعد وبعدها جاله شاب وسيم وطويل زيه كدا

الشاب بابتسامه واسعه : حبيبي شرفت يا زومي

حازم بابتسامه وحضنه : بنورك يا ابو حميد

أحمد : اخبارك اي محدش بيشوفك بس قالولي انك جيت عشان كان في ميتنج

حازم : ايوا جيت الصبح وسلمت على عمو حسن

أحمد : ما هو اللي قالي المهم أخبار شغلك اي ومش بتسأل ليه زي الاول وبتيجي تقعد معايا

حازم : معلش شغل يا حبيبي يتعوض انا كنت عايزك في موضوع مهم

أحمد : خير

حازم : انا كنت عايز افتح شركه وابعد عن ابويا خالص بس مش عايز لوحدي كنت عايزك شريك معايا

أحمد باسف : انا تحت خدمتك في اي وقت يا صاحبي بس انا عارف ان بابا هنا شغال وانا معاه وفي ناس معانا ومحتاجين برده بس مش هقدر عشان انا هنا بعمل حاجه مخصصه وانتا عارف لو كان كدا كنت جيت وانا مش هتاخرك عنك في اي وقت طيب ما تشوف حسام

حازم : حسام انا كنت عايزه معايا ومقدرش ابعد عنه بس راشد بيه هيخليه يمسك المدير التنفيذي في الشركه

أحمد : اه طيب افتح واعمل لوحدك وهات في سكرتيره جديده وموظفين جداد وسيبك منه خالص

حازم : ما انا هعمل كدا بس برده كنت عايز حد شريك وبرده موضوع السكرتيره دا عايز حد موثوق منه

أحمد : طيب انا هقولك انا هشتغل هنا مع بابا زي ما انا وانتا وقت ما تحتاجني رن عليا هتلاقيني عندك وانا هبقي اجي اشوفك علطول

حازم ابتسم : انا مش عارف اقول اي والله غير ربنا يديمك نعمه في حياتي يا صاحبي

أحمد ابتسم : يا رب

حازم : هعمل إعلان على سكرتيره وهبدا اظبط بقا

أحمد : وبمناسبه السعيده دي والقاعدة الحلوى دي انا هجيب الحلو اللي عملته جديد

حازم ضحك : والله يا بني انا مش عارف انتا قاعد مع الشوكولاته كلها والحلوى كله ومش تخين ازاي مش عارف انتا اللي اعرفه اي شيف حلويات بيكون تخين انتا فين بقا

أحمد : لو قولتلك اني باكل من اي حاجه انا بعملها لازم اذوقها وباكل وعادي جدا

يابني نحن نختلف عن الآخرون ههههه

حازم : هههههههه انتا هتقولي

أحمد راح يجيب الحلو جابه وقعد

أحمد بابتسامه : زوق وقولي رايك

حازم : شكله حلو هنشوف طعمه

واخد المعلقه وذاقه وكان كله صوص شوكولاته من جوا

حازم : جميل جدا والله شابو ليك يا ابو حميد هييجي منك

أحمد : هههه امال طبعا

وقعدوا شوي وبعدها حازم روح نام

__________________________

عند شيماء

راحت لفارس واستقبلها

فارس : حبيبتي عامل اي وحشتيني يا مزه

شيماء ابتسمت بحرج : الحمد لله وانتا

فارس : بقيت حلو اول ما شفتك

شيماء : يلا بسرعه يا فارس وقولي عايزني في اي عشان الوقت اتأخر

فارس بخبث : طيب ما تيجي ندخل جوا كدا مش هينفع وماما جوا

شيماء : لا انا عايز امشي قولي بقا

فارس : محتاج فلوس

شيماء بستغراب : فلوس فلوس اي

فارس : انا مزنوق في فلوس واللي معايا مش هيكمل وبابا قالي مش هدفعلك قرش عايز ٥ ملايين

شيماء شهقت : ٥ ملايين ليه دا لو هتبيع بيت مش هتبيعه ٥ ملايين

فارس بغضب : مزنوق في فلوس يا حبيبتي وبعدين انا هرجعهم تاني في أقرب وقت

وبعدين انتي مش هتساعدي حبيبك

شيماء بتوهان : هشوف هقدر ولا لاء لازم امشي .....ومشيت

فارس : هههههههههههههههه دي لسه البدايه بس انتوا لسه مشفتوش حاجه يا عيله الشرقاوي