Dahan-dahan ang pagmulat ng aking mga mata nang ako'y magising. Narito ako sa isang silid na parang pamilyar sa akin. Nakaramdam ulit ako ng pagkahilo sa aking ulo at nakapa ko pa doon na may benda ako sa aking noo. Pinilit kong bumangon ngunit kumirot na naman sa sakit ang aking ulo. Gusto kong sumigaw at sabunutin ang aking magulong buhok dahil sa sobra ang pagkirot nito.
Nangunot ang aking noo nang maalala ko ang dating kuwartong tinutuluyan ko. Pero kakaiba ngayon dahil may mga stuff toys ng mga pangbabae ang narito sa loob ng kuwarto at halos mapuno na ang isang bagong cabinet na kulay pink. Puro mga manika ang nakadisplay sa buong cabinet. Napasilip ako bigla sa bintana nang may marinig akong tumawa na boses panglalaki. Hindi ako nagkakamali, kuwarto ito ni Vicky at narito ako sa b
