Nanghihinang umupo si Phoebus sa may hagdanan sa harap ng pintuan nila. Basang-basa siya ng ulan at nilalamig pero hindi niya iyon alintana. Gabing-gabi na pero hindi pa rin bumabalik ang dalaga. Malakas pa naman ang bugso ng ulan.
"Palit ka muna ng damit," parang napipilitan sa sabi ni Zion. Naiinis siya sa kanyang big boss. Kung hindi lang talaga siya pinapa-swelduhan, baka nasapak niya na ang boss niya. Napakagagó kasi.
"Later," saad ni Phoebus habang nakatingin sa may gate nila. Nagbabasakali na dumating ang dalaga.
Mabigat na bumuntong hininga si Zion. "Ako na muna dito. Magpalit ka muna at maligo baka magkasakit kapa niyan."
"Later..."
"Magpalit ka nga muna─"
"Sinabing mamaya na!" Malakas na sigaw ni Phoebus na sumabay sa kulog at kidlat sa kalangitan. Huminga ng malalim si
