"Ay, napakadaya naman talaga!" Pinalo ni Stella ang braso ni Zion, dahil nakita niya itong pasimpleng kumukuha ng baraha na nailapag na. "Hindi ka makakalisot sa 'kin! Malakas ang radar nito, 'pre! Hindi basta-basta. Ikaw na Mr. Englishero, isang baraha lang ang bunutin mo ha? Baka dalawa na naman ang kunin. Mababatukan na kita. Napakadaya niyo talaga lahat."
Kasalukuyan silang naglalaro ng tong-its sa living room. Dahil sa walang magawa halos lahat ng board games ay naglaro na nila. Pocker, Dama, Scrabble, Chess, as in lahat lahat na.
Pero tatlo lang ang naglalaro. Si Stella, Kenzo at Zion. Busy kakain itong si Cyruz at hindi pa din maka-get over itong si Koa dahil natalo siya ni Stella sa cooking contest nila. Hindi matanggap ni Koa ang pagkatalo kaya hanggang ngayon, nagtatampo at m
