Jaylord Pov...
Limang taon na ngayong araw simula umalis si Kayla kung saan man siya pumunta. Kumusta na kaya siya? Sa limang taon na lumipas ay naglaho siyang parang bula. Walang nakakaalam kung nasaan siya at kung anu na ang ginagawa niya. Siguro naman buhay pa siya!
Namiss ko na ang kaibigan ko pero hanggang ganito muna ako. Sana lang ay nasa ligtas siyang lugar at malusog na pangangatawan. Alam ko na hindi na niya gugustuhing bumalik pa dito pagkatapos ng nangyari. Mahirap kalimutan at masakit. Kahit ilang taon pa ang lumipas hindi ganun kadali kalimutan ang bagay na yun. Kasama mong ibabaon sa iyong hukay.
Masakit na ganito ang paraan ng aming paghihiwalay pero naiintindihan ko siya. Nandito pa rin ako na susuporta sa kanya kung anuman ang tatahakin niyang kabanata ng buhay niya.
