Sachzna's POV
"Aling Loida!" malakas kong katok sa gilid ng lumang tindahan na gawa sa kahoy. Ang kahoy nito ay medyo kupas na, halatang ilang dekada nang nakatayo, pero matibay pa rin. Nakabitin ang ilang lumang tsitsirya sa gilid, at may lumang ilaw na dilaw ang buga. "Aling Looooiiidddaaaa!"
Lumabas mula sa kurtinang kulay maroon ang matandang babae, may hawak na pamaypay na gawa sa abaka. Pawis na pawis siya, siguro galing sa kusina. Nakapamewang pa at nakakunot ang noo.
"O, ano na naman? Uutang ka na naman ba, Sachzna?"
Medyo napaawang ang labi ko. Eto na naman siya, lagi na lang nauuna ang hinala.
"Nako! Ang haba na ng listahan ng utang niyo sa akin. Ilang buwan na itong walang bayad. Magtataon na nga eh. At ito namang si Wendell, tanga! Pautang ng pautang porke—"
"Aling Loida,
