PAGKAUWI ni Alfred ay sinabi niya kaagad sa akin ang isang magandang balita. Natanggap siya bilang isang construction worker sa kakilala ng ina ni Daryl. Laking tuwa at pasasalamat ko naman dahil sa wakas ay may trabaho na siya. Sa Pasig siya mamamasukan at malayo iyon kaya kailangan niyang magtyaga at magtipid.
“Mahal, mabibilhan na kita ng magagandang damit kapag nakasahod ako.”
“Naku, kahit hindi na, Alfred. Kailangan nating mag-ipon para kay baby. Mas importante si baby…” nakangiti kong tugon.
“Kapag libre ako ay sasamahan kita sa center, ha. Magpapa-check-up ka.”
“Salamat, Alfred. Sana tuloy-tuloy na. Nga pala… si Evy.”
Nakahiga na kaming dalawa sa higaan at nagpapahinga. Bukas na bukas din ay madaling araw pa lang ay kailangan ko nang mag-asikaso. Maaga ang alis ni Alfred dahil
