" Good morning Babe!" ani Ram masuyong hinagkan ng lalaki ang pisngi ni Allyna habang mahimbing itong natutulog sa kama.
Bahagya pang napa kunot ang noo ng babae nang maalalang wala na nga pala siya ngayon sa sariling silid niya.
Late na siyang nakatulog kagabi... naiisip pa rin niya yung sama ng loob ng nanay niya sa kaniya. Namumugto rin ang mga mata niya sa pag-iyak kaya heto at hindi niya maimulat nang maayos ang namumula at namamaga niyang mga mata.
"Agh...so sorry Ram.. hindi ako nagising ng maaga para magluto ng breakfast nating dalawa!" pinilit niyang bumangon at isandal ang ulo sa head board ng malapad na kama. Yakap pa rin niya ang malaki at malambot na unan. Malamig ang aircon ng kwarto... matagal-tagal na rin ang panahon na nakatulog siya sa ganito ka kumportable na kwarto.
